بھارتی اسکول میں ملالہ کی کتاب پڑھائے جانے پر ہنگامہ کھڑا ہوگیا

اسکول میں بچوں کو ایسی کتاب پڑھائی جا رہی ہے جس میں پاکستان کے مؤقف کی حمایت اور بھارت کے کشمیر سے متعلق مؤقف کی مخالفت کی گئی ہے، بجرنگ دل کا الزام

فیضان ہاشمی جمعہ 28 اگست 2026 14:53

بھارتی اسکول میں ملالہ کی کتاب پڑھائے جانے پر ہنگامہ کھڑا ہوگیا

احمد آباد(اُردو پوائنٹ اخبارتازہ ترین۔ 28 اگست2026ء) بھوپال کے آنند نیکیتن اسکول میں بچوں کو پاکستان سے تعلق رکھنے والی ملالہ یوسفزئی کی کتاب پڑھائے جانے کا معاملہ دوبارہ سامنے آگیا ہے۔ اس سے قبل بھارت کے کشمیر سے متعلق مؤقف کی مخالفت کرنے والی ملالہ کی کتاب کے خلاف بجرنگ دل نے احتجاج کیا تھا، جس کے بعد اسکول انتظامیہ نے کتاب کی پڑھائی روک دی تھی۔

اب اطلاعات کے مطابق اسی کتاب کی دوبارہ پڑھائی اور قرأت شروع کر دی گئی ہے، جس پر بجرنگ دل کی جانب سے ایک بار پھر اعتراض سامنے آیا ہے۔ اس مقصد کے لیے کانگریس کے بعض رہنما اور ’’کاکروچ جنتا پارٹی‘‘ سے وابستہ افراد بھی جمع ہوئے۔ بجرنگ دل نے الزام عائد کیا کہ اسکول میں بچوں کو ایسی کتاب پڑھائی جا رہی ہے جس میں پاکستان کے مؤقف کی حمایت اور بھارت کے کشمیر سے متعلق مؤقف کی مخالفت کی گئی ہے۔

(جاری ہے)

#Ahemdabad बोपल की आनंद निकेतन स्कूल में पाकिस्तान की मलाला यूसुफजई की किताब बच्चों को पढ़ाए जाने का मामला सामने आया। कश्मीर मुद्दे पर भारत का विरोध करने वाली मलाला की किताब को लेकर बजरंग दल ने विरोध किया, जिसके बाद स्कूलने इसका पठन बंद कर दिया।अब इसी किताब का पठन-पाठन दोबारा 2/1 pic.twitter.com/RhddthRjHO
— Bajrang Dal Gujarat (@Bajrangdal_Guj) August 27, 2026

تنظیم کے مطابق جب انہیں اس مبینہ ’’پاکستان حامی‘‘ ذہنیت کا علم ہوا تو پہلے بات سمجھانے کی کوشش کی گئی، تاہم مبینہ طور پر اس کا کوئی اثر نہ ہونے پر بجرنگ دل کے کارکنوں نے احتجاج کیا۔ واقعے کے بعد اسکول میں کتاب کی دوبارہ پڑھائی کے معاملے پر بحث شروع ہوگئی ہے، جبکہ بجرنگ دل نے اس عمل پر اپنے تحفظات کا اظہار کیا ہے۔ تاہم اسکول انتظامیہ یا متعلقہ حکام کی جانب سے اس معاملے پر باضابطہ مؤقف سامنے نہیں آیا۔