ڈولی پارٹن کی جگہ ان کی ہم شکل کی تصویر نشر، امریکی نیوز چینل نے معافی مانگ لی

لیجنڈ گلوکارہ کی وفات کی کوریج کے دوران سی این این سے بڑی غلطی ہوگئی، ہم شکل خاتون تصویر دیکھ کر حیران رہ گئیں

جمعہ 28 اگست 2026 18:20

ڈولی پارٹن کی جگہ ان کی ہم شکل کی تصویر نشر، امریکی نیوز چینل نے معافی ..

نیویارک (اُردو پوائنٹ اخبارتازہ ترین - آن لائن۔ 28 اگست2026ء) امریکی نیوز چینل سی این این کو معروف امریکی گلوکارہ اور کنٹری موسیقی کی لیجنڈ ڈولی پارٹن کی وفات کی کوریج کے دوران اس وقت سبکی کا سامنا کرنا پڑا جب چینل نے ان کی اصل تصویر کے بجائے ان کی نقل اتارنے والی ایک خاتون کی تصویر نشر کردی۔ غلطی سامنے آنے پر نیوز چینل نے معذرت کرلی۔امریکی میڈیا کے مطابق کینیڈا میں پیدا ہونے والی فنکارہ کیلی وون نے اخبار ’نیویارک پوسٹ‘ کو بتایا کہ جب انہوں نے سی این این پر اپنی تصویر دیکھی تو وہ حیران رہ گئیں۔

رپورٹس کے مطابق ڈولی پارٹن کی وفات سے متعلق خصوصی کوریج کے دوران سی این این پر غلطی سے ان کی نقل اتارنے والی خاتون کی تصویر نشر ہوگئی۔ بعد ازاں چینل نے ئ اپنی غلطی تسلیم کرتے ہوئے ناظرین اور متعلقہ خاتون سے معذرت کی۔

(جاری ہے)

یہ واقعہ ایسے وقت میں پیش آیا جب امریکی موسیقی کی دنیا کی معروف ترین شخصیات میں شمار ہونے والی ڈولی پارٹن کی وفات پر دنیا بھر میں مداح اور فنکار انہیں خراجِ عقیدت پیش کر رہے تھے۔

واضح رہے کہ ڈولی پارٹن منگل کو 80 برس کی عمر میں انتقال کرگئی تھیں۔ امریکی میڈیا کے مطابق وہ مختصر عرصے سے کینسر کے مرض میں مبتلا تھیں۔ڈولی پارٹن کی وفات کی خبر کے بعد امریکی میڈیا سمیت دنیا بھر میں ان کی زندگی، موسیقی اور فنی خدمات پر خصوصی پروگرامز اور رپورٹس نشر کی گئیں، تاہم اسی دوران سی این این سے تصویر کے انتخاب میں یہ غیر معمولی غلطی ہوگئی۔