گوجرانوالہ میں افسوسناک حادثہ؛ ستھرا پنجاب کی ٹریکٹر ٹرالی نے 5 سالہ بچی کو کچل دیا

ڈرائیور موقع سے فرار، ٹریکٹر ٹرالی تھانے منتقل، ڈرائیور ٹرالی ریورس کر رہا تھا کہ کھیلتی ہوئی بچی زد میں آگئی۔ عینی شاہدین

ثنااللہ ناگرہ جمعہ 28 اگست 2026 19:46

گوجرانوالہ میں افسوسناک حادثہ؛ ستھرا پنجاب کی ٹریکٹر ٹرالی نے 5 سالہ ..

گوجرانوالہ (اردوپوائنٹ اخبار تازہ ترین۔ انٹرنیشنل پریس ایجنسی۔ 28 اگست 2026ء ) گوجرانوالہ میں افسوسناک حادثہ پیش آیا ہے، ستھرا پنجاب کی ٹریکٹر ٹرالی نے 5 سالہ بچی کو کچل دیا، ڈرائیور موقع سے فرار ہوگیا۔ میڈیا رپورٹ کے مطابق گوجرانوالہ میں ستھرا پنجاب کی ٹریکٹر ٹرالی کی زد میں آکر 5 سالہ کم سن بچی جاں بحق ہوگئی۔ عینی شاہدین کا کہنا ہے کہ ڈرائیور ٹریکٹرٹرالی ریورس کر رہا تھا کہ بچی زد میں آگئی اور موقع پر ہی جاں بحق گئی۔

(جاری ہے)

گوجرانوالہ میں افسوسناک حادثے کے ڈرائیور موقع سے فرار ہوگیا۔ حادثہ پیپلزکالونی میں پیش آیا جہاں 5 سالہ منہا شہزادی گلی میں کھیل رہی تھی۔

پولیس نے حادثے کا باعث بننے والی ستھرا پنجاب کی ٹریکٹر ٹرالی کو تحویل میں لے کر تھانے منتقل کردیا ہے، جبکہ مفرور ڈرائیور کی تلاش جاری ہے۔ حادثے کے باعث علاقے کی فضا سوگوار ہوگئی۔ اہلخانہ نے بچی کی ہلاکت پر انصاف کا مطالبہ کیا اور ذمہ دار ڈرائیور کے خلاف قانونی کارروائی کی اپیل کی ہے۔