ایرانی صدر مسعود پزشکیان کی دہلی میں انڈیا کے وزیرِاعظم نریندر مودی سے ملاقات

انڈین وزیر اعظم نے ایرانی صدر سے جہاز رانی کے تحفظ اور سمندری جہازوں کے عملے کی سلامتی یقینی بنانے کی ضرورت پر زور دیا ہے انڈین . وزارت خارجہ

میاں محمد ندیم جمعہ 11 ستمبر 2026 23:20

ایرانی صدر مسعود پزشکیان کی دہلی میں انڈیا کے وزیرِاعظم نریندر مودی ..

دہلی(اردوپوائنٹ اخبارتازہ ترین-انٹرنیشنل پریس ایجنسی۔11 ستمبر ۔2026 ) ایرانی صدر مسعود پزشکیان نے دہلی میں انڈیا کے وزیرِاعظم نریندر مودی سے ملاقات کی ہے ملاقات کے دوران انڈین وزیر اعظم نے ایرانی صدر سے جہاز رانی کے تحفظ اور سمندری جہازوں کے عملے کی سلامتی یقینی بنانے کی ضرورت پر زور دیا ہے انڈین وزارت خارجہ کے مطابق مودی نے خطے میں دیرپا امن اور استحکام یقینی بنانے کے لیے مسلسل کوششیں جاری رکھنے کی ضرورت پر بھی زور دیا دونوں راہنماﺅں کی ملاقات نئی دہلی میں برکس رہنماو¿ں کے سربراہی اجلاس سے ایک روز قبل ہوئی.

(جاری ہے)

ایرانی ذرائع ابلاغ کے مطابق ملاقات کے دوران صدر مسعود پزشکیان نے دونوں ممالک کے درمیان مشترکہ تعاون کے فروغ اور سٹریٹیجک معاہدوں کے تسلسل کی ضرورت پر زور دیا برکس اجلاس میں شرکت کرنے والے دیگر ممالک کے راہنماﺅں میں روس اور چین کے صدور بھی شامل ہیں. دریں اثناءبرکس اقتصادی سربراہی اجلاس سے خطاب کرتے ہوئے مسعود پزشکیان نے رکن ممالک کے درمیان بینکاری اور مالیاتی شعبوں میں مزید قریبی تعاون پر زور دیا امریکی پابندیوں کا حوالہ دیتے ہوئے ان کا کہنا تھا کہ معاشی دباﺅ ڈالنے کے لیے اقتصادی ذرائع کے بڑھتے ہوئے استعمال سے ممالک کے درمیان ہونے والی جائز تجارت کو خطرہ لاحق ہے.

ایرانی صدر نے کہا کہ ’رکن ممالک کے درمیان تجارت میں قومی کرنسیوں کے استعمال کو وسعت دینا اہم ترین اقدامات میں سے ایک ہے انہوں نے کہا کہ اس کے ساتھ ساتھ باہمی ادائیگیوں کے لیے ضروری مالیاتی نظام کا قیام بھی ناگزیر ہے مسعود پزشکیان کے مطابق موجودہ عالمی مالیاتی نظام محدود تعداد میں کرنسیوں پر انحصار کرتا ہے اس وجہ سے سیاسی دباﺅکے مقابلے میں غیر محفوظ ہے.