Live Updates

ستمبر 2026ء ، تیسرے ہفتے بھی مہنگائی میں اضافے کا رجحان جاری

ایک ہفتے میں 20اشیائے ضروریہ مہنگی ،10سستی ،21کی قیمتیں مستحکم رہیں، ادارہ شماریات

جمعہ 25 ستمبر 2026 20:45

اسلام آباد (اُردو پوائنٹ اخبارتازہ ترین - این این آئی۔ 25 ستمبر2026ء) مالی سال 27-2026کے دوسرے ماہ ستمبر2026کے تیسرے ہفتے بھی مہنگائی میں اضافے کا رجحان جاری رہا ،حالیہ ہفتے کے دوران ملک میں مہنگائی میں اضافے کی رفتار میں0.99فیصد اضافہ ہوگیا ہے اور سالانہ بنیاد پر مہنگائی میں اضافے کی رفتار 10.64فیصد سے بڑھ کر11.92ہوگئی۔وفاقی ادارہ شماریات کی جانب سے جاری اعداد و شمار کے مطابق حالیہ ایک ہفتے میں 20 اشیائے ضروریہ مہنگی ہوئیں، 10اشیا سستی اور 21کی قیمتیں مستحکم رہیں، اس دوران بجلی کی قیمت میں 18.76فیصد، دال مسور کی قیمت میں 0.75فیصد، دال چنا کی قیمت میں 0.34فیصد، لہسن کی قیمت میں1.57فیصد اضافہ ہوا۔

اعداد و شمار میں بتایا گیا کہ گزشتہ ہفتے کے دوران ایل پی جی کی قیمت میں 1.55فیصد، واشنگ سوپ کی قیمت میں 0.59 فیصد، مٹن کی قیمت میں 0.31فیصد، بیف کی قیمت میں 0.30فیصد، چکن کی قیمت میں0.72فیصد، انڈوں کی قیمت میں 2.02فیصد، دودھ کی قیمت میں0.14فیصد، دہی کی قیمت میں0.27فیصد اور آٹے کی قیمت میں0.11فیصد اضافہ ہوا ہے۔

(جاری ہے)

ادارہ شماریات نے بتایا کہ ایک ہفتے میں چینی کی قیمت میں 0.23فیصد،آلو کی قیمت میں 8.33فیصد، پیاز کی قیمت میں 2.42فیصد، ٹماٹر کی قیمت میں13.45فیصد، سرسوں کے تیل کی قیمت میں0.04 فیصد،گڑ کی قیمت میں0.01فیصد، نمک پاوڈر کی قیمت میں 0.90فیصد، پیٹرول کی قیمت میں0.34فیصد، ہائی اسپیڈ ڈیژل کی قیمت میں1.57فیصد، اور کیلے کی قیمت میں 5.66فیصد کمی واقع ہوئی ہے۔

اعدادوشمار میں بتایا گیا کہ حالیہ ہفتے کے دوران حساس قیمتوں کے اعشاریے کے لحاظ سے سالانہ بنیاد پر 17ہزار 732روپے ماہانہ تک آمدنی رکھنے والے طبقے کے لیے مہنگائی میں اضافے کی رفتار0.85فیصد اضافے کیساتھ 9.69فیصد، 17ہزار 733روپے سے 22ہزار 888روپے ماہانہ تک آمدنی رکھنے والے طبقے کیلئے مہنگائی میں اضافے کی رفتار 1.28فیصد اضافے کیساتھ11.37فیصد اور 22ہزار 889روپے سے 29ہزار 517روپے ماہانہ تک آمدنی رکھنے والے طبقے کے لیے مہنگائی میں اضافے کی رفتار0.81فیصداضافے کیساتھ9.85فیصد رہی،اسی طرح 29ہزار 518روپے سے 44ہزار 175روپے ماہانہ تک آمدنی رکھنے والے طبقے کیلئے مہنگائی میں اضافے کی رفتار0.62فیصداضافے کیساتھ10.20فیصد رہی اور 44ہزار 176روپے ماہانہ سے زائد آمدنی رکھنے والے طبقے کیلئے مہنگائی میں اضافے کی رفتار0.85فیصد اضافے کیساتھ 12.31فیصد رہی ہے۔

Live پیٹرول کی قیمتوں میں ہوشربا اضافہ سے متعلق تازہ ترین معلومات