پشاور ہائی کورٹ نے5جولائی کو بلدیاتی انتخابات میں دوبارہ پولنگ روک دی، الیکشن کمیشن کو نوٹس جاری جواب طلب
پشاور(اُردو پوائنٹ اخبارآن لائن۔4 جولائی۔2015ء)پشاور ہائی کورٹ نے 30مئی کے بلدیاتی انتخابات کے دوران دھاندلی و ہنگامہ آرائی سے متاثرہ 358پولنگ سٹیشنوں پر دوبارہ پولنگ کے خلاف دائر درخواست پر حکم امتناعی جاری کرتے ہوئے 5جولائی کو صوبے بھر میں دوبارہ پولنگ روک دی اور الیکشن کمیشن کو نوٹس جاری کرکے جواب طلب کر لیا چیف جسٹس پشاور ہائی کورٹ جسٹس مظہر عالم میانخیل اور جسٹس مسز ارشاد قیصر پرمشتمل ڈویژن بینچ نے مردان سے پی ٹی آئی کے رکن صوبائی اسمبلی زاہد درانی کی جانب سے دائر درخواست کی سماعت کی درخواست گذار کے مطابق 30مئی کو صوبے بھر میں بلدیاتی انتخابات کا انعقاد ہوا جس میں بعض پولنگ سٹیشنوں پر چھوٹے موٹے لڑائی جھگڑے ہوئے تاہم ایسے واقعات عام طور ہر انتخابات میں ہوتے ہیں ایسے واقعات کی بناء پر دوبارہ پولنگ کا فیصلہ غلط ہے عدالت نے وکلاء کے دلائل سننے کے بعد حکم امتناعی جاری کرکے 5جولائی کے صوبے بھر میں 358پولنگ سٹیشنوں پر دوبارہ پولنگ روک دی اور الیکشن کمیشن کو نوٹس جاری کرکے جواب طلب کر لیا ۔
مزید متعلقہ خبریں پڑھئیے :
متعلقہ عنوان :
