امریکی صدر کا بدنام زمانہ گوانتا ناموبے جیل دوبارہ کھولنے کا حکم

جرائم پیشہ افرادکوامریکہ سے باہرنکال دیں گے:ڈونلڈ ٹرمپ

جمعہ 27 جنوری 2017 11:40

واشنگٹن(اُردو پوائنٹ اخبارآن لائن۔27جنوری۔2017ء)امریکی صدر ڈونلڈ ٹرمپ نے اوبامہ دور کی زیادہ ترامیگریشن پالیسیاں ختم کرتے ہوئے بدنام زمانہ گوانتا ناموبے جیل کو بھی دوبارہ قیدیوں کیلئے کھولنے کا حکم جاری کردیا، ڈونلڈ ٹرمپ نے کہا ہے کہ جرائم پیشہ افرادکوامریکہ سے باہرنکال دیں گے۔

(جاری ہے)

امریکی میڈیا کے مطابق تقریب سے خطاب کرتے ہوئے ڈونلڈ ٹرمپ نے کہا ہے کہ دوسرے ممالک اپنے جرائم پیشہ افرادکوواپس لیں،جنوبی سرحدوں پربحران کاسامناہے، جرائم پیشہ افرادکوامریکاسے باہرنکال دیں گے۔

انہوں نے کہا ہے کہ سرحدپردیوارکی تعمیرکے کام کی خودنگرانی کروں گا،ہمارے اقدامات سے امریکیوں کاتحفظ یقینی ہوگا،گوانتاناموبے جیل میں داعش سمیت دیگرگرفتارقیدیوں کورکھنے اورمقدمے کی اجازت ہوگی، زیرحراست جنگی قیدیوں تک ریڈکراس کی رسائی نہیں ہوگی۔واضح رہے کہ اوبامہ انتظامیہ کی جانب سے بیرون ممالک حراستی مراکزمیں قیدیوں پرتشددکی اجازت نہیں تھی،حکم نامے کے اجراکے بعدسی آئی اے کوقیدیوں پرتشددکی اجازت ہوگی۔