مائیکرو سافٹ کے بانی بل گیٹس نریندر مودی کی صفائی مہم پسند آگئی ، مداح ہوگئے

بدھ 26 اپریل 2017 21:09

نئی دہلی(اُردو پوائنٹ اخبار آن لائن۔ جمعرات 27 اپریل 2017ء)بھارتی وزیراعظم نریندرا مودی کو متنازع رہنمائ کہا جاتا ہے مگر حیران کن طور پر دنیا کے امیر ترین شخص بل گیٹس ان کے مداح ہوگئے ہیں۔جی ہاں مائیکرو سافٹ کے بانی نے ٹوئٹر پر نریندرا مودی کے پرستار ہونے کا اعتراف کیا جس کی وجہ بھارتی وزیراعظم کی بھارت میں جاری صفائی مہم ہے۔

بل گیٹس نے لکھا ' بھارتی وزیراعظم نریندرا مودی نے ایک ایسے موضوع کو اجاگر کیا جس کے بارے میں ہم میں سے بیشتر سوچے بھی نہیں'۔اسی طرح اپنے بلاگ میں انہوں نے لکھا ' لگ بھگ تین سال قبل بھارتی وزیراعظم نے عوامی صحت کے حوالے سے دلیرانہ بیان دیا تھا جو میں نے کبھی کسی اور منتخب عہدیدار کی زبان سے نہیں سنا، اس کے اثرات آج بھی محسوس کیے جاسکتے ہیں، میرا نہیں خیال کہ آئندہ کوئی قومی رہنمائ اس طرح کے حساس موضوع پر بے تکلفی سے عوامی سطح پر بات کرے گا۔

(جاری ہے)

اس سے بھی زیادہ اچھی چیز یہ ہے کہ نریندرا مودی نے اپنے الفاظ کو عملی اقدامات کے ذریعہ آگے بڑھایا'۔نریندران مودی نے اس صفائی مہم کو شروع کرنے کا اعلان 2014 میں کیا تھا جس میں ملک بھر میں 2019 تک 75 ملین ٹوائلٹس نصب کرکے کھلے آسمان تلے رفع حاجت کے رواج کو ختم کرنا بھی شامل ہے۔بل گیٹس نے لکھا ' اس صفائی مہم کے حوالے سے جو چیز مجھے سب سے زیادہ پسند آئی وہ ایک بڑے مسئلے کی نشاندہی کرنا ہے، ہر ایک اس کے تدارک کے لیے کام کررہا ہے اور مختلف پیمانوں کو استعمال کرکے بتایا جارہا ہے کہ کیا کچھ مختلف کرنے کی ضرورت ہی'۔۔