آئندہ 24گھنٹوں کے دوران ملک کے بیشتر میدانی علاقوں میں موسم شدید گرم اور خشک رہے گا‘ محکمہ موسمیات

اتوار 28 مئی 2017 21:50

اسلام آباد ۔ (اُردو پوائنٹ اخبار آن لائن۔ پیر 29 مئی 2017ء) آئندہ 24گھنٹوں کے دوران ملک کے بیشتر میدانی علاقوں میں موسم شدید گرم اور خشک رہیگا‘ تاہم کشمیر اور اس سے ملحقہ پہاڑی علاقوں میں بعض مقامات پر گرج چمک کیساتھ بارش کا امکان ہے۔اتوار کو محکمہ موسمیات کی جاری رپورٹ کے مطابق اگلے دو سے تین روز کے دوران ملک کے میدانی علاقوں میں موسم شدید گرم اور خشک رہیگا، خصوصاً (لاہور،فیصل آباد، سرگودھا،گوجرانولہ،ساہیوال، ملتان،ڈی جی خان، بہاولپور، ڈی آئی خان، پشاور، بنوں،سکھر، لاڑکانہ، شہید بینظیر آباد،حید رآباد،میر پور خاص، مکران، سبی اور نصیر آباد ڈویڑن) میں شدید گرمی پڑے گی۔

آئندہ 48گھنٹوں کے دوران ملک کے بیشتر علاقوں میں موسم شدید گرم اور خشک رہیگا۔

(جاری ہے)

تاہم مالاکنڈ، ہزارہ، راولپنڈی، گوجرانوالہ ڈویژن اور کشمیر میں بعض مقامات پر گرج چمک کیساتھ بارش کا امکان ہے۔گزشتہ 24 گھنٹوں کے دوران ملک کے بیشتر علاقوں میں موسم شدید گرم اور خشک رہا۔۔ ہفتہ کو ریکارڈ کیے گئے گرم ترین مقامات کے درجہ حرارت تربت53.5، سبی50، جیکب آباد، دادو49، لاڑکانہ48، نوکنڈی، دالبندین، بھکر، سکرنڈ، سکھر47 ڈگری سینٹی گریڈ ریکارڈ کیا گیا۔آج تربت میں ریکارڈ درجہ حرارت53.5 ڈگری سینٹی گریڈ رہا۔ اس سے پہلے 30مئی2009میں 52ڈگری سینٹی گریڈ ریکارڈ کیا گیا تھا۔