افغان پولیس اہلکار نے گولیاں مار کر اپنے پانچ ساتھیوں کو ہلاک کر دیا

اتوار 28 مئی 2017 20:50

کابل (اُردو پوائنٹ اخبار آن لائن۔ پیر 29 مئی 2017ء)افغانستان کے جنوبی صوبے زابل میں ایک پولیس اہلکار نے گولیاں مار کر اپنے پانچ ساتھیوں کو ہلاک کر دیا ہے۔

(جاری ہے)

زابل کی صوبائی کونسل کے رکن حاجی اسد اللہ کاکڑ کا کہنا ہے کہ حملہ آور اپنی کارروائی مکمل کرنے کے بعد فرار ہونے میں کامیاب ہو گیا ہے اور اندازوں کے مطابق اب وہ ایسے علاقے میں پہنچ گیا ہے، جو طالبان کے کنٹرول میں ہے۔ کاکڑ نے یہ بھی کہا کہ زابل صوبے میں ’ان سائیڈر حملے‘ اب معمول بنتے جا رہے ہیں۔ طالبان کے ترجمان قاری یوسف احمدی نے اس حملے کی ذمہ داری قبول کر لی ہے۔ طالبان کے ترجمان نے ہلاک ہونے والے پولیس اہلکاروں کی تعداد چھ بتائی ہے۔