شمالی کوریا سے بھاگنے والے فوجی کے پیٹ سے بڑی تعداد میں کیڑے برآمد،جنوبی کوریائی ڈاکٹر پریشان

ہفتہ 18 نومبر 2017 15:30

پیانگ یانگ(اُردو پوائنٹ اخبار آن لائن۔ اتوار 19 نومبر 2017ء)شمالی کوریا سے بھاگنے والے فوجی کے پیٹ سے بڑی تعداد میں کیڑے برآمد ہوئے ہیں۔غیر ملکی میڈیا کے مطابق شمالی کوریا سے فرار ہونے والے فوجی کے ڈاکٹروں کا کہنا ہے کہ اس فوجی کی آنتوں میں بہت زیادہ تعداد میں پیراسائٹس (یعنی کیڑی)موجود ہیں۔یاد رہے کہ پیر کے روز ایک شمالی کوریائی فوجی دونوں ممالک کے درمیان ڈی میلیٹرائزڈ زون سے بھاگ کر جنوبی کوریا پہنچ گیا تھا تاہم سرحد عبور کرتے ہوئے اسے گولی مار کر زخمی کر دیا گیا تھا۔

ڈاکٹروں کا کہنا ہے کہ اس فوجی کی حالت مستحکم ہے مگر اس کے جسم میں بہت زیادہ کیڑے ہیں جس وجہ سے ان کی حالت زیادہ خراب ہو رہی ہے۔خیال کیا جا رہا ہے کہ اس فوجی کی صحت شمالی کوریا میں عوام کی صحت کے حوالے سے ایک مثال ہے۔

(جاری ہے)

جنوبی کوریائی ڈاکٹر کا کہنا تھا کہ میں نے گذشتہ 20 سال میں ایسی صورتحال نہیں دیکھی۔ انھوں نے بتایا کہ فوجی کے پیٹ سے نکلنے والا سب سے بڑا کیڑا 27 سینٹی میٹر کا تھا۔

سیول میں پروفیسر آنڈرے لانکوو نے کہا کہ شمالی کوریا ایک غریب ملک ہے اور دیگر غریب ممالک کی طرح وہاں پر صحت عامہ کے سنگین مسائل ہیں۔شمالی کوریا کے پاس جدید میڈیکل نظام بنانے کے وسائل نہیں ہیں اور اس کے ڈاکٹر قدرے غیر تربیت یافتہ ہیں اور انھیں پرانے آلات کے ساتھ کام کرنا پڑتا ہے۔2015 میں جنوبی کوریائی محققین نے 2006 سے 2014 تک شمالی کوریا سے بھاگنے والوں کے صحت ریکارڈز کا جائزہ لیا اور انھیں جنوبی کوریا کے مقابلے میں ہیپیٹائیٹس بی، ہیپیٹائیٹس سی، ٹی بی اور کیڑوں سے انفیکشنز کے اونچے ریٹس ملے۔

ڈانکک یونیورسٹی کے میڈیکل سکول سے منسلک پروفیسر سیونگ منگ کہتے ہیں کہ مجھے نہیں پتہ کہ شمالی کوریا میں کیا ہو رہا ہے مگر مجھے وہاں سے بھاگنے والوں میں بہت کیڑے ملے ہیں۔ تاہم ان کا کہنا ہے کہ شمالی کوریا کے جیسے دیگر ممالک مثلا بنگلہ دیش اور کئی افریقی ممالک کی عوام کے مقابلے میں شمالی کوریا کے عوام زیادہ صحت مند ہیں۔ ملک میں غربت کی سطح کو مدِ نظر رکھتے ہوئے شمالی کوریا میں اوسط حدِ عمر کہیں زیادہ ہے۔

ہاں! چونکہ یہ فوجی پہلے سے ہی نازک حالت میں ہیں، تو یہ کیڑے ان کی حالت کو مشکل بنا رہے ہیں۔شمالی کوریا سے تقریبا ہر سال ایک ہزار افراد بھاگ کر جنوبی کوریا جاتے ہیں تاہم ان میں سے شاید ہی کوئی ہو جو بارودی سرنگوں سے بھری اور دونوں جانب سے فوجیوں کی کڑی نظر والی ڈی میلیٹرائزڈ زون کے ذریعے بھاگنے کی کوشش کرے۔گذشتہ تین سالوں میں یہ صرف چوتھا موقع ہے کہ کوئی شمالی کوریائی فوجی اس زون سے فرار ہوا ہو۔

Facebook Twitter Google + Share on Whatsapp

مزید متعلقہ خبریں پڑھئیے‎ :

اسلامی ترقیاتی بینک نے پاکستان میں جاری منصوبوں کو جلد مکمل کرنے کی یقین دہانی کرادی

اتوار 28 اپریل 2024 - 13:10

غیرملکی سرمایہ کاروں کے خدشات دور کرنے اور ون ونڈو آپریشنز کیلئے خصوصی سرمایہ کاری سہولت کونسل پوری طرح فعال ہے، وزیراعظم

اتوار 28 اپریل 2024 - 12:30

پاکستان کی معیشت عالمی اتار چڑھا ؤ کے باوجود بحالی کے راستے پر ہے،گورنر اسٹیٹ بینک کا آئی سی ایم اے کانووکیشن سے خطاب،

اتوار 28 اپریل 2024 - 00:30

پاکستان اور برطانیہ کے درمیان تعلیم کے شعبے میں زیادہ سے زیادہ ایکسچینج پروگرامز شروع کرنے چاہئیں‘بلیغ الرحمن

ہفتہ 27 اپریل 2024 - 23:22

پاکستان کے تمام لوگ اور سیاسی جماعتیں فلسطین کے منصفانہ کاز کی حمایت کرتی ہیں، سینیٹر مشاہد حسین سید

ہفتہ 27 اپریل 2024 - 18:02

یونیورسٹی آف ہیلتھ سائنسز میں چوتھی پرنسپلز نرسنگ اینڈ الائیڈ ہیلتھ پروفیشنل انسٹیٹیوٹس کانفرنس،صوبائی وزراء صحت کی بطور مہمان خصوصی شرکت

ہفتہ 27 اپریل 2024 - 17:56

شمالی کوریا سے بھاگنے والے فوجی کے پیٹ سے بڑی تعداد میں کیڑے برآمد،جنوبی کوریائی ڈاکٹر پریشان

مزید متعلقہ خبریں پڑھئیے‎ :

متعلقہ عنوان :

اتوار 19 نومبر 2017 کی مزید خبریں