لیگی اراکین اسمبلی کے استعفوں کی بارش کا آغاز ہو گیا ہے‘رائے حسن نواز

پنجاب حکومت رانا ثناء اللہ کو بچانے کیلئے پوری پارٹی کی ناراضگی کیلئے تیار ہے‘ختم نبوت قانون سے چھیڑ کھانی حکومت کیلئے زہر آلود تلوار بن چکی ہے‘ تحریک انصاف کے رہنما کی میڈیا سے گفتگو

منگل 12 دسمبر 2017 19:02

لاہور(اُردو پوائنٹ اخبار آن لائن۔ منگل 12 دسمبر 2017ء) تحریک انصاف مغربی پنجاب کے صدر رائے حسن نواز نے کہا ہے کہ لیگی اراکین اسمبلی کے استعفوں کی بارش کا آغاز وہ گیا ہے۔پنجاب حکومت رانا ثناء اللہ کو بچانے کیلئے پوری پارٹی کی ناراضگی کیلئے تیار ہے۔ختم نبوت کے قانون سے چھیڑ کھانی حکومت کے زہر آلود تلوار بن چکی ہے۔

پاکستان کا قیام اسلام کے نام پر عمل میں لایا گیا اور حضرت محمدؐ اللہ کے آخری بنی ہیں ان کو آخری نبی تسلیم کرنا ہر مسلمان کے ایمان لا زمی جز ہے۔

(جاری ہے)

لیکن شریف خاندان نے غیر مسلم قوتوں کے کہنے پر حلف نامے میں تبدیلی کی لیکن پوری قوم نے اس سازش کو ناکام بنایا ہے۔ان خیالات کا اظہار انہوں نے گزشتہ روز میڈیا سے گفتگو کرتے ہوئے کیا۔انہوں نے مزید کہا پاناما لیکس کے فیصلے کے بعد ہی حکومت کو زوال شروع ہو چکا ہے تھا ۔

پاکستان کو غیر ملکی قرضوں سے چلایا جا رہا ہے اگر ورلڈ بینک قرض دینا بند کر دے تو ملک دیوالیہ وہ جائے گا۔موجودہ حکومت کی معاشی پالیسیاں انتہائی ناقص ترین ثابت ہو چکی ہیں۔پاکستان قدرتی طور پر وسائل سے مالامال ہے لیکن بدقسمتی سے کوئی بھی ایسی حکومت نہیں آئی س نے ان وسائل سے فائدہ اٹھایا ہے۔