بند کریں
صحت صحت کی خبریںچشمہ جہلم لنک کینال کھلنے کے باوجود اپوزیشن کا اسمبلی اجلاس سے بائیکاٹ قابل مذمت ہے‘ راجہ ..

صحت خبریں

وقت اشاعت: 17/07/2010 - 19:28:47 وقت اشاعت: 17/07/2010 - 16:34:21 وقت اشاعت: 16/07/2010 - 12:39:34 وقت اشاعت: 15/07/2010 - 19:15:02 وقت اشاعت: 15/07/2010 - 18:47:58 وقت اشاعت: 15/07/2010 - 17:22:12 وقت اشاعت: 14/07/2010 - 19:33:53 وقت اشاعت: 14/07/2010 - 18:27:49 وقت اشاعت: 14/07/2010 - 18:21:46 وقت اشاعت: 13/07/2010 - 17:37:38 وقت اشاعت: 11/07/2010 - 19:56:44

چشمہ جہلم لنک کینال کھلنے کے باوجود اپوزیشن کا اسمبلی اجلاس سے بائیکاٹ قابل مذمت ہے‘ راجہ ریاض

لاہور(اُردوپوائنٹ اخبارتازہ ترین۔15 جولائی۔2010ء)سینئر صوبائی وزیر راجہ ریاض احمد نے کہا ہے کہ اپوزیشن صوبوں کے مابین غلط فہمیاں پیدا کرکے لڑائی کرانا چاہتی ہے ۔چشمہ جہلم لنک کینال کھلنے کے باوجود اپوزیشن کا پنجاب اسمبلی اجلاس سے بائیکاٹ قابل مذمت ہے ۔چشمہ جہلم لنک کینال کو دوبارہ کھولنے پر سندھ کو کوئی اعتراض نہیں ہے۔وہ گزشتہ روز پنجاب اسمبلی کے باہر میڈیا سے بات چیت کررہے تھے۔

راجہ ریاض نے کہا کہ میں نے ایک روز قبل ایوان میں یقین دلایا تھا کہ پانی وافر موجود ہے سی جے لنک کینال کھل جائے گی لیکن اس کے باوجود اپوزیشن والے آج بھی بازؤں پر سیاہ پٹیاں باندھ کر آئے ان کا مقصد صرف صوبوں کے درمیان غلط فہمیاں پیدا کرکے لڑائی کرنا ہے ۔انہوں نے کہا کہ صدر مملکت اور وزیر اعظم کی محنت سے ملک میں متفقہ این ایف سی ایوارڈ ہوا۔

صدر مملکت نے بلوچستان جاکر ان سے معافی مانگی ہم صوبوں میں ہم آہنگی لا رہے ہیں محبت بڑھا رہے ہیں جبکہ اپوزیشن والے انتہائی منفی کردار ادا کررہی ہے آج جب صبح سوا نو بجے چشمہ جہلم لنک کینال کھولنے کے آرڈر ہوچکے تھے تو انہوں نے پھر بھی بازؤں پر سیاہ پٹیاں باندھیں اجلاس کا بائیکاٹ کیا جس کی میں پرزور مذمت کرتا ہوں۔ان کے آمریت کے دور کے سیاہ دھبے دھلیں گے ان کو پاکستانی قوم نے مسترد کردیا ہے یہ جمہوریت کو کمزور کرنا چاہتے ہیں لیکن ہم ایسا نہیں ہونے دیں گے یہ جمہوریت محترمہ بے نظیر بھٹو نے اپنی جان کی قربانی دیکر بحال کرائی ہے ہم اس سے محافظ ہیں۔

انہوں نے کہا کہ کوئی صوبہ کسی کا پانی نہیں لے رہا ۔ہم تو کہتے ہیں کہ پانی کو بہت معمولی چیز ہے اگر سندھ کو ہمارا خون بھی چاہیے تو ہم دینے کو تیار ہیں ۔انہوں نے کہا کہ پانی سب صوبوں کی ضرورت ہے ہم چاہتے ہیں کہ ارسا کو غیر جانبدار رہتے ہوئے پانی کی تقسیم کے حوالے سے فیصلے کرنے چاہیں۔انہوں نے کہا کہ چشمہ جہلم لنک کینال بند ہونے سے پنجاب کے حصے کا پانی سندھ کو نہیں دیا گیا بلکہ سندھ کے حصے کا پانی یہ سندھ کو دیا گیا ہے ۔انہوں نے کہا کہ سی جے کو دوبارہ کھولنے پر سندھ کو کوئی اعتراض نہیں ہے یہ فیصلہ ارسا کے اجلاس میں اتفاق رائے سے کیا گیا ہے جس میں پانچ ممبر موجود تھے۔
15/07/2010 - 17:22:12 :وقت اشاعت