متوازن غذا اور صحت مند طرز زندگی اپنا کر گردوں کے مرض سے محفوظ رہا جا سکتا ہے ،یونس بھٹی

راولپنڈی 09مارچ(اُردو پوائنٹ اخبارتازہ ترین - اے پی پی۔ 09 مارچ2018ء) پاکستان کڈنی پیشنٹس ایسوسی ایشن کے سیکرٹری جنرل کرنل (ر) محمد یونس بھٹی نے کہاہے کہ گردوں کی صحت کی خاطر متوازن خوراک کھائیں بہتر لائف سٹائل اپنائیں اور دس سے 12 گلاس پانی روزانہ پئیں اپنا بلڈ پریشر اور ذیابیطس بھی با قاعدگی سے چیک کرواتے رہیں اور اگر وہ حد سے زیادہ ہوں تو ڈاکٹر سے مشورہ کریں اور ڈاکٹر کی تجویز کردہ ادویات با قاعدگی سے لیں یہ دونوں بیماریا ںخاموش قاتل کہلاتی ہیں اور ان کو کنٹرول میں نہ رکھنا اپنے آپ کو دھوکہ دینے کے مترادف ہے ۔

ان خیالات کا اظہار انہوں نے راولپنڈی پریس کلب میں پاکستان کڈنی پیشنٹس ایسوسی ایشن کے انفارمیشن سیکرٹری سکاڈرن لیڈر(ر) غلا م عباس اور دیگرکے ہمراہ پریس کانفرنس سے خطاب کرتے ہوئے کیا ۔

(جاری ہے)

انہوں نے کہا کہ گردے اعضائے رئیسہ میں شامل ہیں اور انسانی جسم میں ان اکا بہت اہم کر دار ہے گردے ہر روز تقریباً180لٹر خون صاف کرتے ہیں اور جسم میں نمکیات کوتوازن سے رکھتے ہیں۔

اسی سلسلے میں پاکستان کڈنی پیشنٹس ایسوسی ایشن آج 10مارچ گردوں کے عالمی دن کے موقع پر دن11 بجے واک اور ایک آگاہی سمینار منعقد کر رہی ہے جس میں ماہر ڈاکٹر گردوں کی مرض اور علاج کے بارے میں لکچر دیں گے۔ انہوں نے کہا کہ گردے تین قسم کے ہارمونز بناتے ہیں جو جسم میں خون بنانے، بلڈ پریشیر کو قائم رکھنے اور کیلشیم کو ہڈیوں میں جذب ہونے میں اہم کر دار ادا کرتے ہیں ایک گردے میں 10لاکھ باریک رگیں ہوتی ہیں جن کو نیفرانز کہا جاتا ہے اگر کسی کا بلڈ پریشیر زیادہ ہو یا اسے ذیابیطس رہے تو گردے خراب ہونا شروع ہو جاتے ہیں اور ایک وقت آجاتا ہے جب یہ مکمل طور پر فیل ہو جاتے ہیں انہوں نے کہا کہ گردے فیل ہو جانے والے مریضوں میں 46فیصد ذیا بیطس کے مریض ہوتے ہیں جبکہ 26فیصد ہائی بلڈ پریشیر کے مریض ہوتے ہیں اس کے علاوہ گردوں میں پتھری اور غلط قسم ادویات کا استعمال بھی گردوں کو خراب کرتے ہیں ہر انسان اور خصوصاً ذیابیطس اور ہائی بلڈ پریشر کے مریضوں کو اپنے گردوں کا چیک اپ باقاعدگی سے کر وانا چایئے تاکہ بر وقت پتہ چل سکے کہ گردے خراب تو نہیں ہو رہے ۔

گردوں کا ٹیسٹ (RFT) زیادہ مہنگا نہیں ہے انہوں نے کہا کہ؂ یہ بیماریاں نہ صرف گردوں کا نقصان پہنچاتی ہیں بلکہ دل کی بیماریوں اور فالج کا باعث بنتی ہیں ۔