ظلم جیت گیا، میری بیٹی نے بہت ہمت کی لیکن وہ ہار گئی،والد نشوہ

خداراسب مل کرآوازاٹھائیں تاکہ کل کسی اور کی بیٹی نہ جائے،قیصر علی کی میڈیا سے بات چیت

ظلم جیت گیا، میری بیٹی نے بہت ہمت کی لیکن وہ ہار گئی،والد نشوہ
کراچی (اُردو پوائنٹ اخبارتازہ ترین - این این آئی۔ 22 اپریل2019ء) بچی نشوہ کے والد قیصرعلی نے کہا ہے کہ نشوہ ہارگئی،ظلم جیت گیا، میری بیٹی نے بہت ہمت کی لیکن وہ ہار گئی، خداراسب مل کرآوازاٹھائیں تاکہ کل کسی اور کی بیٹی نہ جائے۔پیر کو بچی نشوہ کے والد قیصرعلی نے میڈیا سے گفتگو کرتے ہوئے کہا میری بیٹی نے بہت ہمت کی لیکن وہ ہار گئی، میری بیٹی چلی گئی ہے۔

(جاری ہے)

قیصرعلی نے اپیل کی خداراسب مل کرآوازاٹھائیں تاکہ کل کسی اور کی بیٹی نہ جائے، کیااس طرح کے واقعات ہوتے رہیں گی حکام آتے رہیں گے مگرکارروائی نہیں ہوگی، خبربنتی رہے گی، تصویریں کھنچتی رہیں،ہوناکچھ نہیں، ہم یہاں کسی کوبچانہیں سکتے۔بعد ازاں نشوہ کے والد نے سوشل میڈیا پر پیغام میں کہا نشوہ ہارگئی،ظلم جیت گیا۔یاد رہے نوماہ کی نشوہ کودارالصحت اسپتال میں غلط انجکشن لگایا گیا تھا، طبیعت بگڑنے پرنشوہ کولیاقت نیشنل اسپتال منتقل کیا گیا اور کئی روز زندگی اورموت کی جنگ لڑنے والی نشوہ آج خالق حقیقی سے جاملی ، وہ لیاقت نیشنل اسپتال کے آئی سی یو میں ایک ہفتے تک زیرعلاج رہی۔

Your Thoughts and Comments