راولپنڈی شہر میں ڈینگی مریضوں کی تعداد بڑھنے لگے،تینوں ہسپتالوں میں 111 مریض ڈینگی کے شبہ میں لائے گئے

مجموعی طور پر 73 مریضوں میں ڈینگی وائرس کی تصدیق ہو گئی ،ڈینگی کے حوالے سے تعاون نہ کرنے والوں کے خلاف گیارہ مقدمات درج

راولپنڈی شہر میں ڈینگی مریضوں کی تعداد بڑھنے لگے،تینوں ہسپتالوں میں ..
راولپنڈی(اُردو پوائنٹ اخبارتازہ ترین - این این آئی۔ 22 اگست2019ء)راولپنڈی شہر میں ڈینگی مریضوں کی تعداد بڑھنے لگے،تینوں ہسپتالوں میں 111 مریض ڈینگی کے شبہ میں لائے گئے،مجموعی طور پر 73 مریضوں میں ڈینگی وائرس کی تصدیق ہو گئی ، ڈی ایچ کیو اسپتال میں 23 ڈینگی مریض داخل ہیں جبکہ ہولی فیملی ہسپتال میں 34 مریض داخل کئے گئے بینظیر ہسپتال میں 16 مریض داخل۔

(جاری ہے)

ڈی سی راولپنڈی محمد علی رندھاوا نے کہاکہ ڈینگی کے حوالے سے تعاون نہ کرنے والوں کے خلاف گیارہ مقدمات درج کئے ۔ڈی سی راولپنڈی محمد علی رندھاوا نے کہاکہ ایئرپورٹ ہائوسنگ سوسائٹی کے خلاف کارروائی کی جا سکتی ہے، ایئرپورٹ ہاوسنگ سوسائٹی میں ڈینگی مریضوں کی تعداد سب سے زیادہ ہے۔ڈی سی راولپنڈی نے کہاکہ شہر سے بھینسوں کے باڑے ختم نہ کرنے والوں کو بھی نوٹس بھیج رہے ہیں، شہر سے ڈینگی کے خاتمے کیلئے ہر ممکن اقدامات کئے جا رہے ہیں۔

Your Thoughts and Comments