حکومت پنجاب کی سرکاری سکولوں، ہسپتالوں اور بنیادی مراکز ِ صحت کی کارکردگی بہتر بنانے کی ہدایت

سرگودھا (اُردو پوائنٹ اخبارتازہ ترین - اے پی پی۔ 21 نومبر2019ء)حکومت ِپنجاب نے سرگودہا سمیت صوبہ بھر کے تمام سرکاری سکولوں اور ہسپتالوں کے ساتھ ساتھ دیہی علاقوں میں قائم بنیادی مراکز ِصحت کی کارکردگی بہتربنانے، چھاپے مارنے اور وہاں پر کئے جانیوالے اقدامات کے حوالہ سے رپورٹس تیار کرکے متعلقہ اداروں کے حکام کو روانہ کرنے کی ہدایت جاری کردی ہے۔

(جاری ہے)

ذرائع کے مطابق حکومت ِپنجاب نے تمام اضلاع میں قائم سرکاری سکولوں اور ہسپتالوں میں تعلیم اور صحت کی سہولتوں کی فراہمی کو یقینی بنانے کے ساتھ ساتھ اُن کی عوام کے لیے افادیت و کاکردگی کاجائزہ لینے اور مزید بہتر بنانے کے لیے ضلعی انتظامیہ کو سرکاری ہسپتالوں اور سکولوں کی چیکنگ کرنے کی ہدایت جاری کی ہے ۔ ذرائع کے مطابق اس ضمن میں حکومت پنجاب نے ڈپٹی کمشنر سرگودھا کو ہدایت جاری کی ہے کہ وہ ہسپتالوں اور سکولوں کی کارکردگی کو بہتر بنانے کیلئے اچانک چھاپوں کا سلسلہ شروع کریں تاکہ سکولوں اور ہسپتالوں کی کارکردگی میں بہتری آسکے۔

Your Thoughts and Comments