تشنج جیسے موذی مرض سے بچاو کیلئے شعور اور آگاہی پیدا کرنے کیلئے ڈی ایچ کیو ہسپتال لورالائی میں واک کا انعقاد کیا گیا

لورالائی (اُردو پوائنٹ اخبارتازہ ترین - این این آئی۔ 07 دسمبر2019ء) تشنج جیسے موذی مرض سے بچاو کیلئے شعور اور آگاہی پیدا کرنے کیلئے ڈسڑکٹ ہیلتھ آفیسر ڈاکٹر شبیر احمد مینگل کی قیادت میں ڈی ایچ کیو ہسپتال لورالائی میں ایک واک منعقد کی گئی یہ مہم 9دسمبر سے شروع ہو کر 14دسمبر تک جاری رہے گی جس کیلئے آئی پی آئی سینٹر میں کنٹرول روم بھی بنایا گیا ہے اس واک میں آئی پی آئی کے فوکل پرسن نقیب اللہ ناصرورلڈ ہیلتھ آرگنائزیشن کے پی ای او ڈاکٹر قدیر اوتمانخیل ایم ایس ڈاکٹر عبدالواحد بلوچ لاجسٹک آفیسرضیاء غلزئی ایس او ایم سی ایچ محمد عثمان موسی خیل سول سو سائٹی کے افردا این جی او ز کے نمائندوں پیرا میڈیکس صحافیوں اور لیڈی ہیلتھ ورکرز کی بہت بڑی تعدادنے بھی شرکت کی اس موقع پر ریلی کے شرکا ء سے خطاب کرتے ہوئے ڈسڑکٹ ہیلتھ آفیسر ڈاکٹر شبیر احمد مینگل نے کہا کہ تشنج جیسے خطرناک مرض سے بچانے کیلئے دوران حمل اور زچگی کے بعد حفاظتی ٹیکہ جات لگوانے سے اور کورس مکمل کرنے سے اس خطرناک مرض سے بچاجاسکتا ہے انہوںنے کہا کہ اس سلسلے میں تما م تر تیاریاں مکمل کی جاچکی ہیں اس سے قبل پہلے رونڈ میں ضلع لورالائی کی 35752خواتین کو تشنج کے ٹیکے لگائے جاچکے ہیں اب سکینڈ رونڈ میں اس مہم کے تحت ضلع لورالائی کی 64071خواتین کو تشنج کے ٹیکے لگائے جائیں گے اس کیلئے 93آوٹ ریچ سینٹر ز بنائے گئے ہیں 20ٰٖفیکس سینٹر ز بنائے گئے ہیں 3موبائل ٹیمیں تشکیل دی گئی ہیں جس کیلئے محکمہ صحت کے تما م مرد و خواتین پیرا میڈیکس لیڈی ہیلتھ وزیئڑز اور لیڈی ہیلتھ ورکرز اس مہم میں حصہ لیںگے اور پندرہ سے انچاس سال کی خواتین کویہ ٹیکے لگائے جائیں گے انہوں نے کہا کہ اس مہم کو کامیاب بنانے کیلئے تمام طبقات کو ملکر محکمہ صحت کے ساتھ مکمل تعاون کرنا چاہیے تاکہ اس مہم کو کامیاب بنایا جاسکے اس سے ہم اپنے ملک صوبے اور خصوصا لورالائی میں اس موذی مرض کا خاتمہ اور تدارک سکیں گے ضلع لورالائی کے علماء کرام سیاسی اور قبائلی عمائدین و معتبرین اساتذہ طلباء صحافیوں اور دیگر طبقات کو محکمہ صحت کے ساتھ مکمل تعاون کرنا چایئے اور حب الوطنی کا ثبوت دیں ۔