ناکام شادی سے امراض قلب کا خطرہ،موت بھی واقع ہوسکتی ہے،نئی تحقیق

ناکام شادی سے امراض قلب کا خطرہ،موت بھی واقع ہوسکتی ہے،نئی تحقیق

نیویارک (اُردو پوائنٹ تاز ترین اخبار۔ 14جولائی 2014ء)نئی امریکی تحقیق میں سامنے آیاہے کہ ناکام شادیاں امراض قلب کا باعث بنتی ہیں اور یہ جان لیوا بھی ثابت ہوسکتی ہیں،مشی گن اسٹیٹ یونیورسٹی کی تحقیق کے مطابق ناکام شادیاں ذہنی تناؤ کا سبب بنتی ہیں اور آگے جا کر جسمانی صحت کے لیے تباہ کن ثابت ہوتی ہیں۔تحقیق کے مطابق جو لوگ اپنے شریک حیات سے ناخوش ہوتے ہیں ان میں مایوسی، ہائی بلڈ پریشر اور امراض قلب کا بہت زیادہ خطرہ ہوتا ہے۔

(جاری ہے)

تحقیقی ٹیم کے سربراہ ڈاکٹر ہوئی لیو کا کہنا ہے کہ ہماری تحقیق میں یہ بات سامنے آئی ہے کہ کس طرح شادی دل کی صحت پر اثر انداز ہوتی ہے۔محققین کا کہنا ہے کہ امراض قلب کے بیشتر کیسز کی روک تھام ممکن ہے اور اس حوالے سے شادی سب سے اہم سماجی تعلق ہے جو صحت پر مثبت یا منفی اثرات مرتب کرتا ہے۔تحقیق میں بتایا گیا ہے کہ شریک حیات سے پریشان افراد غیرصحت مند عادتوں جیسے تمباکو نوشی وغیرہ میں مبتلا ہوجاتے ہیں، جس سے ان کے جسم میں اسٹریس ہارمون کی مقدار بڑھ جاتی ہے، جو بتدریج بلڈ پریشر بڑھانے اور دل کی دھڑکن میں بے قاعدگی کا سبب بنتا ہے۔

Your Thoughts and Comments