پاکستانی ڈاکٹروں کا غزہ میں طبی سہولیات کی بحالی کیلئے 2کروڑ دینے کا اعلان،
سینئر سرجنز پر مشتمل ٹیم ستمبر میں غزہ جائے گی،اب تک ایک ملین ڈالرز مالیت کی ادویات اورایمبولینس فراہم کی جا چکی ہیں،پیما
کراچی (اُردو پوائنٹ اخبار تازہ ترین۔28اگست۔2014ء) پاکستان اسلامک میڈیکل ایسوسی ایشن (پیما)نے غزہ میں اسرائیلی بمباری سے تباہ ہونے والے ہسپتالوں کی تعمیر نو اور طبی سہولیات کی بحالی کے لئے 2کروڑ کی امداد اور 2ایمبولینس عطیہ کرنے کا اعلان کیا ہے اور کہا ہے کہ پیما کے سینئر سرجنز پر مشتمل ٹیم ستمبر میں غزہ میں طبی خدمات انجام دے گی۔یہ بات پیما کے مرکزی عہدیدار اور ڈاکٹروں کی عالمی تنظیم فیما کے صدر ڈاکٹر تنویر الحسن زبیری، ڈاکٹر طارق اسماعیل ،ڈاکٹر انتظار حسین بٹ، ڈاکٹر فخر الزمان اور ڈاکٹر عمران ظفر نے پریس کلب میں صحافیوں سے گفتگو کرتے ہوئے کہی۔
ڈاکٹرزبیری نے کہا کہ پیما اور فیما اسرائیلی جارحیت کے فوراً بعد سے غزہ میں میڈیکل ریلیف مہیا کرنے کے لئے کوشاں ہیں اور دنیا کے مختلف ممالک کی اسلامک میڈیکل ایسوسی ایشنز کے تعاون سے ایک ملین ڈالرز مالیت کے امدادی سامان پر مشتمل 23ٹرک غزہ پہنچائے جا چکے ہیں جن میں4ایمبولینس، ادویات، سرجیکل آلات اور دیگر اشیائے ضرورت شامل ہیں۔(جاری ہے)
انہوں نے کہا کہ اسرائیل کیجانب سے جنگ بندی کے اعلان کے بعد اب غزہ میں تباہ شدہ میڈیکل سٹرکچر کی بحالی کا کام شروع کیا جا رہا ہے جس کے دوران پاکستانی ڈاکٹروں سمیت دنیا کے سینئر ڈاکٹرز کی ٹیمیں غزہ میں وزارت صحت کے تحت مختلف تخصیصی شعبوں میں ڈاکٹرز کو تربیت دیں گی، جدید آلات سے مزین 20عددایمبولینس غزہ منسٹری آف ہیلتھ کو عطیہ کی جائیں گی جس میں پاکستان سے 2ایمبولینس کی فراہمی بھی شامل ہے، غزہ ہیلتھ آف منسٹری کی ضروریات کے مطابق ادویات، سرجیکل equipment اوردیگر سامان بھجوایا جائے گا،5عدد ایمرجنسی ہیلتھ کٹس بھجوائی جائیں گی جو کہ تین ماہ تک 50ہزار مریضوں کے لئے استعمال میں لائی جا سکیں گی،اور بین الاقوامی سطح پر کانفرنس منعقد کی جائے گی جس میں خدمت خلق کے دیگر اداروں کوغزہ میں اہلیان غزہ کی انسانی و طبی بنیادوں پر طویل مدتی بحالی کے کام کی جانب متوجہ کیا جائے گا۔
انہوں نے کہا کہ غزہ میں تباہ شدہ ہیلتھ سٹرکچر کی بحالی کے لئے طویل المدتی منصوبہ بندی اور کوششوں کی ضرورت ہے جسکو پیش نظر رکھتے ہوئے پیما نے لائحہ عمل تیار کیا ہے۔ ڈاکٹر زبیری نے مزید کہا کہ حالیہ اسرائیل جارحیت کے دوران خصوصاً مساجد، سکولز، ہسپتالوں اور بنیادی مراکزِ صحت کو نشانہ بنایاگیا ہے جس کے نتیجے میں اکثر مکمل طور پر تباہ ہو چکے ہیں، ایمبولینس سروس جو کہ زخمیوں کو ہسپتالوں میں منتقل کرنے پر معمور تھیں، انہیں بھی خصوصی نشانہ بنایا گیا، اس وقت صورتحال یہ ہے کہ 10ہزارسے زائد زخمی افراد طبی سہولیات کی عدم دستیابی کے باعث اپنی جانوں سے ہاتھ دھو رہے ہیں یا مکمل طور پر اپاہج ہو رہے ہیں۔پیما کے عہدیداران نے عوام سے پرزور اپیل کی کہ وہ غزہ میں میڈیکل ریلیف کے لئے پیما کیساتھ تعاون کریں، جبکہ غزہ میں طبی امداد کے خواہشمند ڈاکٹرز بھی اپنے نام پیما مرکز میں رجسٹر کروائیں تاکہ انہیں اگلے ماہ بھجوانے والی ٹیموں میں شامل کیا جا سکے۔انہوں نے کہا کہ اسوقت غزہ میں جنرل سرجن، آرتھوپیڈک سرجن، واسکولر سرجن، پلاسٹک سرجن کی فوری ضرورت ہے،پیما نے غزہ میڈیکل ریلیف کے لئے پروفیسر محمد اقبال خان کو انچارج مقرر کیا جن کی قیادت میں اس سے قبل 2مرتبہ پاکستانی ڈاکٹرز غزہ میں طبی خدمات سرانجام دے چکے ہیں۔Browse Latest Health News in Urdu
ڈریپ نے معدے کے علاج کی دوا کا ایک بیچ غیر معیاری قرار دے دیا
ڈاؤ یونیورسٹی نے کتے کے کاٹے کی ویکسین اینٹی ریبیز ویکسین" ڈاؤ ریب" تیار کرلی
پاکستان میں مقامی طور پر انسولین کی پیداوار شروع کرنے کا مطالبہ
موٹاپے کے سبب کم عمر لڑکیوں میں جوڑوں کی تکلیف کا انکشاف
سائنسدانوں نے پاکستان میں کوویڈ-19 کے انفیکشن سے کم نقصانات ہونےکی وجوہات ظاہرکردیں
پاکستان میں پہلی بارایک جگر کی دو مریضوں میں پیوندکاری اورلبلبے کی ٹرانسپلانٹ کا کامیاب تجربہ
6 گھنٹے سے کم کی نیند ذیا بیطس کے اضافی خطرات کا سبب قرار
ہومیو پیتھک طریقہ علاج سے ہزاروں مریض بغیر آپریشن کے شفا یاب ہو رہے ہیں ، صدرڈاکٹرخادم حسین کھیڑا
’’ پنز‘‘مفت ادویات کی فراہمی میں صوبے کے سرکاری ہسپتالوں میں پہلے نمبر پرآگیا
ہارٹ اٹیک کے مریضوں کیلئے پہلا گھنٹہ انتہائی اہم ہوتا ہے،بروقت علاج سے زندگی بچائی جاسکتی ہیں، ایم ..
میو ہسپتال میں گردوں کی پتھریوں کیلئے جدید طریقہ علاج پی سی این ایل اپنا لیا گیا
دوگھنٹے سے زیادہ سمارٹ فون اور ڈیوائسزکا استعمال آپ کو توجہ کی کمی‘ جینیاتی عارضے اور مسلسل ذہنی خلفشار ..
سول ہسپتال میں جدید طبی سہولیات کی فراہمی کا عزم، ڈی سی جہلم نے جدید ترین آپریشن تھیٹر کا افتتاح کر دیا
پنجاب میں 24 گھنٹوں کے دوران نمونیا سے مزید 5 بچے دم توڑ گئے
پاکستان میں ایک کروڑستر لاکھ سے زائد لوگ گردوں کے امراض میں مبتلا ہیں
سرکاری ہسپتالوں میں سی ٹی سکین سروسزکی آؤٹ سورسنگ کے معاہدے پردستخط
2050 تک ذیابیطس کے مریضوں کی تعداد ایک ارب 30 کروڑتک پہنچ سکتی ہے
پاکستان بھر میں آج کل لوگوں کے بیمار ہونے کا سبب بننے والے مرض کی نشاندہی کر دی گئی
وزن کو کنٹرول کرنے کیلئے زیتون کا تیل انتہائی موثر ہے،ڈاکٹر محمد احمد سندھو
برطانیہ ،چھینک روکنے کی کوشش پرنوجوان کی سانس کی نالی پھٹ گئی
30 سال میں امراض قلب سے اموات 60 فیصد بڑھ گئیں
شادی کے بعد ہائی بلڈ پریشر کا خطرہ بڑھ جاتا ہے، تحقیق
24 گھنٹے کے دوران صوبے بھر میں 64نئے مریضوں میں ڈینگی کی تصدیق
کراچی ٹائون پلاننگ سے محروم ملک کا سب سے بڑا شہر