گوجرانوالہ ،زہریلا دودھ پینے سے ایک ہی خاندان کے 5افراد کی حالت غیرہوگئی

گوجرانوالہ ( اُردو پوائنٹ اخبار تازہ ترین۔9اکتوبر۔2014ء) زہریلا دودھ پینے سے ایک ہی خاندان کے 5افراد کی حالت غیرہوگئی ۔بتایاگیا ہے کہ گرجاکھ کے علاقہ سلطان پورہ کے پچاس سالہ لیاقت علی ‘اس کی بیوی شمیم‘اٹھارہ سالہ بیٹے فرحان‘ تیس سالہ خالدہ زوجہ رمضان ‘ساٹھ سالہ انور بی بی نے گزشتہ روز گھر میں آیا دودھ پیا جسے پیتے ہی ان کی حالت غیرہوگئی جس پرانہیں فوری طبی امداد کیلئے ہسپتال منتقل کردیاگیا جہاں دوافراد کی حالت نازک بیان کی جارہی ہے ۔

(جاری ہے)

ورثاکاکہنا ہے کہ انہیں کسی نے جان بوجھ کر زہریلادودھ پلایاہے معلوم ہواہے کہ لیاقت کے گھر مبینہ عالم نوید کاآناجاناتھاگزشتہ روزبھی ان کے ہاں نوید آیااوراس نے دودھ منگواکراس میں نشہ آور چیز ملا کر سب کوپلا دیا جس سے ان کی حالت غیرہوگئی جبکہ نوید گھر سے قیمتی سامان لے اڑا ۔اہل علاقہ کاکہنا ہے کہ لیاقت کے گھر سے نوجوان لڑکی بھی غائب ہے تاہم علاقائی پولیس مصروف تفتیش ہے ۔

Your Thoughts and Comments