تعلیم میں کامیابی کیلئے محنت و لگن کی ضرورت ہوتی ہے، ناصر علی شاہ بخاری

کراچی (اُردو پوائنٹ اخبار تازہ ترین۔15 اکتوبر۔2014ء) کیسبٹ کا سالانہ کنویشن ایکسپو سینٹر میں منعقد کیا گیا جس میں مختلف شعبہ جات کے 800 سے زائد طلبہ و طالبات نے شرکت کی اس موقع پر چیف گیسٹ چیئرمین کے ایس بی گروپ ناصر علی شاہ بخاری نے خطاب کرتے ہوئے کہا کہ علم کے حصول میں کامیابی کیلئے مقصد اور لگن کی ضرورت ہوتی ہے کمپیوٹر کی دنیا میں راج کرنے والے بل گیٹ کو کالج سے نکال دیا گیا تھا تاہم اس نے ثابت کیا کہ اپنے مشن و مقصد میں کامیابی ڈگری سے بڑھ کر ہے۔