بند کریں
صحت صحت کی خبریںعوام کو صحت کی سہولیات باہم پہنچانا حکومت کی ذمہ داری میں شامل ہے ،زید بن مقصود

صحت خبریں

وقت اشاعت: 23/10/2014 - 22:34:11 وقت اشاعت: 23/10/2014 - 18:33:39 وقت اشاعت: 23/10/2014 - 18:28:29 وقت اشاعت: 23/10/2014 - 18:25:20 وقت اشاعت: 23/10/2014 - 17:36:17 وقت اشاعت: 23/10/2014 - 16:46:15 وقت اشاعت: 23/10/2014 - 16:27:43 وقت اشاعت: 23/10/2014 - 16:09:48 وقت اشاعت: 23/10/2014 - 16:00:58 وقت اشاعت: 23/10/2014 - 15:41:21 وقت اشاعت: 23/10/2014 - 13:23:11

عوام کو صحت کی سہولیات باہم پہنچانا حکومت کی ذمہ داری میں شامل ہے ،زید بن مقصود

جعفرآباد(اُردو پوائنٹ اخبار تازہ ترین۔23 اکتوبر۔2014ء) ڈپٹی کمشنر جعفرآباد زید بن مقصود نے کہا ہے کہ عوام کو صحت کی سہولیات باہم پہنچانا حکومت کی ذمہ داری میں شامل ہے پیرا میڈیکس کا عملہ انتہائی نا مصائب حالات میں مریضوں کی خدمت کرکے اپنا قومی فریضہ ادا کرتا ہے۔حکومت پیرا میڈیکس کے تمام جائز مطالبات کو تسلیم کرنے کیساتھ انکو حقوق دے گی۔

ان خیالات کا اظہار انہوں سول اسپتال ڈیرہ اللہ یار میں پیرا میڈیکل اسٹاف ایسوسی ایشن کی جانب سے سروس اسٹرکچر آرڈر کی منعقدہ تقریب سے خطاب کرتے ہوئے کیا ۔ڈپٹی کمشنر نے کہا کہ ضلع جعفرآباد میں پیرا میڈیکس عملے کی انتھک محنت کے باعث ضلع جعفرآباد پولیو فری ضلع بن چکا ہے اور سول اسپتالوں سمیت بنیادی صحت کے مراکز میں بھی غریب اور نادار مریضوں کو طبی سہولیات کی فراہمی ہورہی ہے جوکہ خوش آئند اقدام ہے۔

انکا یہ بھی کہنا تھا کہ ڈاکٹرز اور پیرا میڈیکس کا عملہ مسیحا ہوتے ہیں انکا کام غریبوں کو صحت کی سہولیات پہنچانا ہے ۔تقریب سے پی پی ایچ آئی کے ڈی ایس ایم محمد سلیم کھوسہ نے خطاب کرتے ہوئے کہا کہ ضلع جعفرآباد اور صحبت پور میں پی پی ایچ آئی کے زیر اہتمام چلنے والے بنیادی صحت مراکز میں ادویات وافر مقدار میں فراہم کیا جارہا ہے جبکہ اسٹاف بھی اپنے فرائض بخوبی سرانجام دے رہے ہیں انہوں نے کہا کہ یہ تاثر باالکل غلط ہے کہ ضلع جعفرآباد اور صحبت پور میں بنیادی صحت کے مراکز میں ادویات کی عدم فراہمی کا سامنا ہے اور بنیادی صحت مراکز غیر فعال ہیں ۔

انکا کہنا تھا کہ پی پی ایچ آئی کی جانب سے سگ گزیدگی کے ویکسین بھی عوام کو فراہم کیے جارہے ہیں تاکہ انکو ویکسین کے حصول کیلئے دربدر ہونا نہ پڑے ۔تقریب سے ڈسٹرکٹ ہیلتھ آفیسر ڈاکٹر جمال الدین نے خطاب کرتے ہوئے کہا کہ ضلع جعفرآباد میں پیرا میڈیکس کے عملے نے جس جوش اور جذبے کیساتھ اپنا فرض ادا کیا ہے وہ قابل تحسین ہے میں امید کرتا ہوں کہ پیرا میڈیکس آئندہ بھی اسی جوش اور جذبے کیساتھ غریب مریضوں کی خدمت جاری رکھیں گے۔

جعفرآباد میں تمام سول اسپتالوں اور بنیادی صحت مراکز کے فعال ہونے کا سہرہ پیرا میڈیکس کے سر جاتا ہے جوکہ انتہائی ناخوشگوار حالات میں بھی اپنی ڈیوٹی سرانجام دیتے ہیں ۔تقریب سے پیرا میڈیکس بلوچستان کے نائب صدر منصب علی سومرو نے کہا کہ سروس اسٹرکچر کی بحالی سے پیرا میڈیکس میں پائی جانے والے بے چینی کا خاتمہ ہوا ہے اس سے قبل پیرا میڈیکس کو ریٹائرڈ ہونے تک پروموشن نہیں دی جاتی تھی اور انکے حقوق غصب کیے جاتے تھے تاہم پیرا میڈیکل اسٹاف ایسوسی ایشن نے اپنی جدوجہد سے تمام پیرا میڈیکس کو انکے جائز حقوق دلائے ہیں اور آئندہ بھی انکے جائز حقوق کے حصول کیلئے جدوجہد جاری رکھیں گے۔

23/10/2014 - 16:46:15 :وقت اشاعت