بند کریں
صحت صحت کی خبریں اتحادی جماعت عوامی جمہوری اتحاد نے تحریک انصاف کے رویئے پر تحفظات کااظہارکردیا،
عوامی جمہوری ..

صحت خبریں

وقت اشاعت: 02/12/2014 - 13:35:34 وقت اشاعت: 02/12/2014 - 12:32:54 وقت اشاعت: 01/12/2014 - 23:28:18 وقت اشاعت: 01/12/2014 - 23:24:07 وقت اشاعت: 01/12/2014 - 23:09:02 وقت اشاعت: 01/12/2014 - 23:04:56 وقت اشاعت: 01/12/2014 - 22:38:40 وقت اشاعت: 01/12/2014 - 22:11:19 وقت اشاعت: 01/12/2014 - 21:56:51 وقت اشاعت: 01/12/2014 - 21:56:51 وقت اشاعت: 01/12/2014 - 21:35:44

اتحادی جماعت عوامی جمہوری اتحاد نے تحریک انصاف کے رویئے پر تحفظات کااظہارکردیا،

عوامی جمہوری اتحادشروع دن سے دھرنے کا حصہ ہے، ہمارے کارکنوں کی حوصلہ افزائی نہیں کی جارہی ،،کارکنوں کی جانب سے تحفظات کے باعث یہ قدم اٹھایا ہے ،دھرنے سے علیحدگی کے حوالے سے کچھ نہیں کہا جاسکتا ،پارٹی کیساتھ مشاورت کے بعد لائحہ عمل طے کیا جائے گا، , عوامی جمہوری اتحاد کے سربراہ، سینئر صوبائی وزیر صحت شہرام ترکئی کی ہنگامی پریس کانفرنس

پشاور( اُردو پوائنٹ تاز ترین اخبار۔ یکم دسمبر 2014ء )خیبر پختونخوا حکومت میں تحریک انصاف کی اتحادی جماعت عوامی جمہوری اتحاد نے تحریک انصاف کے رویئے پر تحفظات کااظہار کرتے ہوئے کہاہے کہ عوامی جمہوری اتحادشروع دن سے دھرنے کا حصہ ہے اور اس کے کارکنوں کی حوصلہ افزائی کرنے کیلئے ان کا شکریہ ادا کرتا مگر ان کو وہ عزت نہیں دی جا رہی ہے جس کے وہ مستحق ہیں، پارٹی کے کارکنوں کی جانب سے تحفظات کے باعث یہ قدم اٹھایا ہے پارٹی کے کارکنوں کو نظر انداز نہیں کرسکتے،اب دھرنے سے علیحدگی کے حوالے سے کچھ نہیں کہا جاتا پارٹی کیساتھ مشاورت کے بعد لائحہ عمل طے کیا جائے گا ۔

پیر کو یہاں پشاور پریس کلب میں ہنگامی پریس کانفرنس سے خطاب کرتے ہوئے عوامی جمہوری اتحاد کے سربراہ، سینئر صوبائی وزیر صحت شہرام ترکئی نے پاکستان تحریک انصاف کے دھرنے کی حمایت کرتے ہوئے کہا کہ عوامی جمہوری اتحاد دھرنے کی حمایت کرتی ہے جبکہ ان کی پارٹی کے کارکنوں کو وہ اہمیت نہیں دی جاتی جس کے وہ مستحق ہیں جس کے باعث ان میں اور ان کے کارکنوں میں شدید بے چینی پائی جاتی ہے انہوں نے کہا کہ اس حوالے سے وزیراعلیٰ خیبر پختونخوا اور پاکستان تحریک انصاف کے قائدین کے ساتھ ملاقات بھی کی ہے اور انہوں نے یقین دہانی کرائی ہے کہ ان کی پارٹی کے کارکنوں کے تحفظات دور کئے جائیں گے۔

شہرام خان ترکئی کا کہنا تھا کہ جس طرح پاکستان تحریک انصاف آنے والی نسلوں کیلئے محنت اور جدوجہد کر رہی ہے اس طرح عوامی جمہوری اتحاد بھی پی ٹی آئی کے شانہ بشانہ کھڑی ہے دھرنوں کے دوران ان کی پارٹی کے کارکنوں کو جیلوں کی ہوا بھی کھانی پڑی ‘ شیلنگ کے دوران زخمی بھی ہوئے جبکہ گزشتہ دنوں ایک کارکن ارب علی خان جس کا تعلق صوابی سے ہے دھرنے میں دل کا دورہ پڑنے سے جاں بحق بھی ہو گیا پاکستان تحریک انصاف کے قائدین کو چاہئے تھا کہ وہ عوامی جمہوری اتحاد کے کارکنوں کی حوصلہ افزائی کرنے کیلئے ان کا شکریہ ادا کرتا مگر ان کو وہ عزت نہیں دی جا رہی ہے جس کے وہ مستحق ہیں ان کا کہنا تھا کہ پارٹی کے کارکنوں کی جانب سے تحفظات کے باعث انہوں نے یہ قدم اٹھایا ہے کیونکہ وہ اپنی پارٹی کے کارکنوں کو نظر انداز نہیں کرسکتا آج وہ جس مقام پر ہیں یہ سب ان کی پارٹی کے کارکنوں کی وجہ سے ہیں انہوں نے ایک سوال کے جواب میں کہا کہ اب دھرنے سے علیحدگی کے حوالے سے کچھ نہیں کہا جاتا پارٹی کیساتھ مشاورت کے بعد لائحہ عمل طے کیا جائے گا جبکہ ناراضگی کا صوبائی حکومت کے ساتھ کوئی تعلق نہیں ہم صوبائی حکومت کے اتحادی ہیں صوبائی حکومت میں اکٹھے چل رہے ہیں تو اس میں کوئی غلطی نہیں جبکہ مسئلے کا حل بات چیت کے ذریعے نکالا جائے گا ۔

ایک سوال کے جواب میں ان کاکہنا تھا کہ ان کی پارٹی بھی صاف و شفاف انتخابات چاہتی ہے اور ایک خود مختار الیکشن کمیشن بھی ہونا چاہئے اور یہ ہر پارٹی کا حق ہے کہ وہ انویسٹی گیشن کا مطالبہ کرے اور آج کل کی صورتحال میں وفاقی حکومت کو بڑے دل کا مظاہرہ کرنا چاہئے پاکستان تحریک انصاف نے وفاق سے چار حلقوں کا مطالبہ کیا تھا ٹال مٹول سے کام لینے کے باعث دھرنا آج بھی جاری ہے ۔

01/12/2014 - 23:04:56 :وقت اشاعت