بند کریں
صحت صحت کی خبریںمفتی محمدنعیم کی مخصوص طبقہ فکرکی جانب سے ”تبلیغی جماعت“کیخلاف منفی پروپیگنڈے دشنام طرازی ..

صحت خبریں

وقت اشاعت: 08/12/2014 - 20:12:33 وقت اشاعت: 08/12/2014 - 19:37:15 وقت اشاعت: 08/12/2014 - 19:28:53 وقت اشاعت: 08/12/2014 - 19:28:53 وقت اشاعت: 08/12/2014 - 19:16:38 وقت اشاعت: 08/12/2014 - 18:45:00 وقت اشاعت: 08/12/2014 - 18:40:47 وقت اشاعت: 08/12/2014 - 17:18:51 وقت اشاعت: 08/12/2014 - 17:10:11 وقت اشاعت: 08/12/2014 - 17:06:02 وقت اشاعت: 08/12/2014 - 16:40:01

مفتی محمدنعیم کی مخصوص طبقہ فکرکی جانب سے ”تبلیغی جماعت“کیخلاف منفی پروپیگنڈے دشنام طرازی کی شدیدمذمت،

فرقہ پرست وفتنہ پرورعناصر جنیدجمشیدکی آڑلیکرملک وبالخصوص شہر قائد میں فرقہ واریت کی آگ بھڑکارہے ہیں لیکن سازشی عناصراپنے مکروہ منصوبوں میں کسی صورت کامیاب نہیں ہونگے،بیان

کراچی(اُردو پوائنٹ تاز ترین اخبار۔ 08 دسمبر 2014ء ) معروف مذہبی اسکالروجامعہ بنوریہ عالمیہ کے رئیس شیخ الحدیث مفتی محمدنعیم نے ایک مخصوص طبقہ فکرکی جانب سے دعوت وتبلیغ کی عالمگیرتحریک ”تبلیغی جماعت“کیخلاف منفی پروپیگنڈے دشنام طرازی کی شدیدمذمت کی ہے اورکہاکہ فرقہ پرست وفتنہ پرورعناصر جنیدجمشیدکی آڑلیکرملک وبالخصوص شہر قائد میں فرقہ واریت کی آگ بھڑکارہے ہیں لیکن سازشی عناصراپنے مکروہ منصوبوں میں کسی صورت کامیاب نہیں ہونگے۔

جنیدجمشیدکونشانہ بنانے کی وجہ صرف اورصرف اس کاتعلق مسلک دیوبنداورتبلیغی جماعت سے ہے ورنہ جوفرقہ پرست سازشی عناصرجنیدجمشیدکوٹارگٹ کررہے خودانہیں نام نہادمذہبی اسکالرز”ٹی وی اینکرز“کے پروگرامو ں میں چوبیس گھنٹے براجمان رہتے ہیں جن کاماضی صحابہ کرام ودیگربزرگ ہستیوں کی شان میں گستاخیوں سے ہمیشہ داغدار ہے لیکن انہوں نے کبھی معافی نہیں مانگی ۔

پیر کو جامعہ بنوریہ عالمیہ سے جاری بیان میں مفتی محمدنعیم نے مزیدکہاکہ ہم جنیدجمشیدکی وکالت نہیں کررہے ،اس سے سنگین غلطی سرزدہوئی ہے اورجس پلیٹ فارم پراس نے غلطی کی اسی پلیٹ فارم پراس نے شرمسارہوکرہاتھ جوڑکرآبدیدہ آنکھوں سے پوری امت مسلمہ سے معافی مانگی ،جنیدجمشید اہلسنت والجماعت مسلک دیوبندکاترجمان ہے اورنہ ہی دعوت وتبلیغ کی عالمگیرتحریک ”تبلیغی جماعت “کے ،لیکن اس کے باوجودکچھ فتنہ پرورعناصرجنیدجمشید کی آڑمیں اہلسنت والجماعت مسلک دیوبنداورتبلیغی جماعت کیخلاف پروپیگنڈہ کررہے ہیں اورشہرقائدکے مختلف علاقوں میں فرقہ واریت اورمذہبی منافرت پرمبنی بینرز،وال چاکنگ اوردشنام طرازی پرمبنی لیٹریچرتقسیم کر ر ہے ہیں جوکسی صورت ناقابل برداشت ہے۔

انہوں نے کہا کہ جنیدجمشیدکونشانہ بنانے کی وجہ صرف اورصرف یہی ہے کہ اس کاتعلق مسلک دیوبنداورتبلیغی جماعت سے ہے ورنہ جوفرقہ پرست سازشی عناصرجنیدجمشیدکوٹارگٹ کررہے خودوہ اوران کے بڑے بزرگ انہیں نام نہادمذہبی اسکالرز”ٹی وی اینکرز“کے پروگراموں میں چوبیس گھنٹے براجمان رہتے ہیں جن کاماضی ہمیشہ داغدار ہے اورجنہوں نے کئی مواقع پر قرآن وحدیث کی تعلیمات کی مسلسل خلاف ورزی،امہات المومنین ، خلفاء راشدین اورصحابہ کرام رضوان اللہ علیہم اجمعین کی شان میں گستاخیاں کی لیکن اپنے سنگین گناہوں پرکبھی معافی نہیں مانگی اوریہ نام نہادعاشقان صرف شہرت کی خاطر انہیں لوگوں کیساتھ ٹی وی پروگراموں میں شریک ہوتے ہیں ۔

مفتی محمدنعیم نے حکومت اورقانون نافذکرنے والے اداروں کے اعلیٰ حکام سے مطالبہ کیاہے کہ مذکورہ سنگین صورت حال کافی الفور نوٹس لیں اور فرقہ واریت اورمذہبی منافرت پرمبنی بینرز،وال چاکنگ اورلیٹریچر کے ذریعے فرقہ واریت کوہوادینے میں ملوث کرداروں کو بے نقاب کیا جائے کیونکہ اہلسنت والجماعت مسلک دیوبنداورتبلیغی جماعت کیخلاف پروپیگنڈہ کسی صورت ناقابل برداشت ہے اوراگریہ سلسلہ نہ رکاتوردعمل کاخدشہ ہے جوکسی صورت ملک وبالخصوص شہرقائدکے مفادمیں نہیں ہے۔

08/12/2014 - 18:45:00 :وقت اشاعت