بند کریں
صحت صحت کی خبریں الخدمت فاوٴنڈیشن معاشرے میں مثبت تبدیلیاں لانے کیلئے کوشاں ہے،ڈاکٹر حفیظ الرحمن،
ملک بھر ..

صحت خبریں

وقت اشاعت: 29/12/2014 - 19:58:25 وقت اشاعت: 29/12/2014 - 19:12:40 وقت اشاعت: 29/12/2014 - 19:08:13 وقت اشاعت: 29/12/2014 - 16:42:22 وقت اشاعت: 29/12/2014 - 16:18:35 وقت اشاعت: 29/12/2014 - 15:50:55 وقت اشاعت: 29/12/2014 - 15:37:47 وقت اشاعت: 29/12/2014 - 15:13:18 وقت اشاعت: 29/12/2014 - 14:14:31 وقت اشاعت: 29/12/2014 - 13:47:53 وقت اشاعت: 29/12/2014 - 13:16:15

الخدمت فاوٴنڈیشن معاشرے میں مثبت تبدیلیاں لانے کیلئے کوشاں ہے،ڈاکٹر حفیظ الرحمن،

ملک بھر میں مستحق اور نادار افراکی خدمت کر رہے ہیں جس کا مقصد اس طبقے کا سہارا بننا ہے،صدر الخدمت

کراچی (اُردو پوائنٹ اخبارتاز ترین ۔ 29دسمبر 2014ء)الخدمت فاؤنڈیشن کے مرکزی صدر ڈاکٹر حفیظ الرحمن نے کہا ہے کہ الخدمت فاوٴنڈیشن اپنے فلاحی منصوبوں کے ذریعے معاشرے میں مثبت تبدیلیاں لانے کیلئے کوشاں ہے ،ملک میں یہ تبدیلیاں اسی وقت آسکتی ہیں جب ہمارے جذبے سچے ہوں اور ہم رضائے الٰہی کے خاطر دوسروں کو اپنی ذات سے فائدہ پہنچانے کیلئے پر عزم ہوں گے ۔

ان خیالات کا اظہار انہوں نے الخدمت فاوٴنڈیشن کے سینٹرل بورڈ آف مینجمنٹ کے3 روزہ سالانہ اجلاس کی صدارت کرتے ہوئے اپنے خطاب میں کیا ۔اجلاس کے پہلے روز الخدمت فاؤنڈیشن کے نیشنل ڈائریکٹرز نے نا گہانی آفات سے بچاؤ، صحت عامہ،تعلیم، صاف پانی، کفالت یتامیٰ ، روزگار پروگرام اور سماجی خدمات کے حوالے سے ملٹی میڈیا پریزنٹیشن پیش کیں جس میں گزشتہ سال کی کارکردگی کا جائزہ لیا گیا۔

اجلاس میں مرکزی صدر ڈاکٹر حفیظ الرحمن کے علاوہ نائب صدر سید احسان اللہ وقاص ، جنرل سیکریٹری محمد عبد الشکور، اسسٹنٹ سیکریٹری جنرل اعجاز اللہ خان، محمدسلیم چوہدری ،انجینئر عبد العزیز ، فنانس سیکریٹری فیض الباری اور ایگزیکٹو ڈائریکٹر شاہد اقبال سمیت نیشنل پروگرام ڈائریکٹر زاورراشد قریشی نے بھی شرکت کی۔ اس موقع پر تمام ریجنز کے ذمہ داران نے سالا نہ کارکردگی رپورٹ پیش کی ۔

ڈاکٹر حفیظ الرحمن نے الخدمت فاوٴنڈیشن کی 2014 کارکردگی پر اپنے اطمینان کا اظہار کیا اور آئندہ سال2015 میں تمام منصوبوں کومزید منظم انداز میں پایا ئے تکمیل تک پہنچانے کی ہدایات دی گئیں ،انہوں نے تمام ذمہ داران کے جذبے کی تعریف کی اور کہاالخدمت ملک بھر میں مستحق اور نادار افراد کے لیے خدمات سر انجام دے رہی ہے جس کا مقصد پسے ہوئے طبقے کے مسائل کو سمجھتے ہوئے اُن کا سہارا بننا ہے۔

29/12/2014 - 15:50:55 :وقت اشاعت