بند کریں
صحت صحت کی خبریںچیئر مین سینیٹ سید نیئر حسین بخاری کی فلپائنی پارلیمنٹ کی اعلیٰ قیادت سے ملاقاتیں ،باہمی ..

صحت خبریں

وقت اشاعت: 11/02/2015 - 22:06:19 وقت اشاعت: 11/02/2015 - 21:19:32 وقت اشاعت: 11/02/2015 - 19:07:19 وقت اشاعت: 11/02/2015 - 19:07:19 وقت اشاعت: 11/02/2015 - 17:25:47 وقت اشاعت: 11/02/2015 - 17:17:13 وقت اشاعت: 11/02/2015 - 16:33:46 وقت اشاعت: 11/02/2015 - 15:11:10 وقت اشاعت: 11/02/2015 - 15:08:45 وقت اشاعت: 11/02/2015 - 14:27:49 وقت اشاعت: 11/02/2015 - 14:11:50

چیئر مین سینیٹ سید نیئر حسین بخاری کی فلپائنی پارلیمنٹ کی اعلیٰ قیادت سے ملاقاتیں ،باہمی دلچسپی کے امور پر تبادلہ خیال

اسلام آباد (اُردو پوائنٹ تازہ ترین اخبار۔ 11فروی 2015ء)چیئر مین سینیٹ سید نئیر حسین بخاری نے اعلیٰ سطح وفد کے ہمراہ ایشیائی پارلیمانی اسمبلی کے رکن ممالک کے دورے کے پہلے مرحلے میں فلپائین کے دارلحکومت منیلا پہنچ گئے جہاں انہوں نے فلپائین کی پارلیمنٹ کی اعلیٰ قیادت سے ملاقاتیں اور باہمی دلچسپی کے امور پر تبادلہ خیال کیا۔ ملاقاتوں میں ایشیائی پارلیمنٹ کے قیام کے لئے کی گئی کوششوں پر تفصیلی غورو خوض کیا گیا۔

سہ ملکی دورے کے پہلے مرحلے میں وفد گزشتہ دنوں فلپائین کے دارلحکومت منیلا پہنچا تھا ۔ اس اہم دورے میں سینیٹر مشاہد حسین سید، سینیٹر جہانگیر بدر ، سینیٹر سیف اللہ مگسی کے علاوہ سیکریٹری سینیٹ امجد پرویز ملک بھی چیئر مین سینیٹ کے ہمراہ ہیں ۔چیئر مین سینیٹ نے بدھ کے روز منیلا میں فلپائین کی سینیٹ کے صدر فرینکلن ایم ڈریلن اور ایوان نمائندگان کے سپیکر ملیسیانوں بیلمونٹے جونئیر سے ملاقاتوں میں پارلیمانی رابطوں میں مزید تیزی لانے اور باہمی تعاون کو فروغ دینے پر بھی اتفاق کیا گیا۔

سہ ملکی دورے کے اگلے مرحلے میں چیئر مین سینیٹ اپنے وفد کے ہمراہ آج ملیشیاء روانہ ہونگے ۔ چیئرمین سینیٹ نے فلپائین کی پارلیمنٹ کی اعلیٰ قیادت سے ملاقات کے دوران ایشیائی پارلیمانی اسمبلی کے صدر کی حیثیت رکن ممالک میں ایشیائی پارلیمنٹ کے قیام کے سلسلے میں اتفاق رائے پیدا کرنے اور اس سلسلے میں ہونیوالے پیش رفت پر تفصیلی آگاہ کیا ۔

فلپائین نے بھی ایشیائی پارلیمنٹ کے قیام کے سراہتے ہوئے پاکستان کے نقطہ نظر کی بھر پور حمایت کا اعلان کیا ۔ چیئر مین سینیٹ نے دونوں رہنماوٴں کو پاکستان کا دورہ کرنے کی بھی دعوت دی بعد ازاں پاکستانی وفد نے فلپائین کے ایوان نمائندگان کی کاروائی بھی دیکھی جس میں پاکستانی وفد کا بھر پور استقبال کیا گیا اور انہیں خوش آمدید کہتے ہوئے ایک متفقہ قرارداد بھی منظور کی گئی ۔

11/02/2015 - 17:17:13 :وقت اشاعت