لاہور ہائیکورٹ نے قرطبہ چوک سے لبرٹی چوک تک سگنل فری کاریڈور منصوبے کوروکنے کا حکم دے دیا

لاہور(اُردو پوائنٹ اخبار تازہ ترین۔26فروری 2015ء)لاہور ہائیکورٹ نے قرطبہ چوک سے لبرٹی چوک تک سگنل فری کاریڈور منصوبے کوروکنے کا حکم دے دیا۔لاہور ہائیکورٹ کے جسٹس سید منصور علی شاہ نے کیس کی سماعت کی۔درخواست گزار فہد ملک نے موقف اختیار کیا کہ سگنل فری منصوبے کی آڑ میں درختوں کا قتل عام کیا جا رہا ہے۔

(جاری ہے)

درختوں کے ساتھ بے رحمانہ طریقہ استعمال کرنے سے ماحولیاتی آلودگی میں مزید اضافہ ہو گا۔

انہوں نے عدالت کو بتایا کہ اربوں روپے کے اس منصوبے کے لئے لاہور ڈویلپمنٹ اتھارٹی نے محکمہ ماحولیات سے این او سی حاصل کرنا گوارا نہیں کیا لہذا عدالت حکم امتناعی جاری کرے۔جس پر عدالت نے اس منصوبے پر حکم امتناعی جاری کرتے ہوئے محکمہ ماحولیات اور ایل دی اے کو چھ مارچ کے لئے نوٹس جاری کرتے ہوئے جواب طلب کر لیا۔

Your Thoughts and Comments