بند کریں
صحت صحت کی خبریںڈاکٹرز جدید طبی تحقیق اور عصری رجحانات سے خود کو باخبر رکھیں تاکہ احسن انداز میں دُکھی انسانیت ..

صحت خبریں

وقت اشاعت: 19/03/2015 - 13:30:01 وقت اشاعت: 19/03/2015 - 12:13:47 وقت اشاعت: 19/03/2015 - 12:12:45 وقت اشاعت: 18/03/2015 - 19:49:49 وقت اشاعت: 18/03/2015 - 19:49:49 وقت اشاعت: 18/03/2015 - 17:41:39 وقت اشاعت: 18/03/2015 - 16:53:36 وقت اشاعت: 18/03/2015 - 16:44:57 وقت اشاعت: 18/03/2015 - 16:28:58 وقت اشاعت: 18/03/2015 - 14:21:13 وقت اشاعت: 18/03/2015 - 14:13:27

ڈاکٹرز جدید طبی تحقیق اور عصری رجحانات سے خود کو باخبر رکھیں تاکہ احسن انداز میں دُکھی انسانیت کی خدمت کرکے اپنے مقدس پیشے کا حق ادا کریں، حکومت ڈاکٹروں کو درپیش مسائل کے حل کے لئے ٹھوس اقدامات کریگی

خیبر پختونخوا کے وزیرخزانہ مظفرسید کا تقریب سے خطاب

پشاور (اُردو پوائنٹ اخبار تازہ ترین۔18مارچ۔2015ء )خیبر پختونخوا کے وزیرخزانہ مظفرسید نے ڈاکٹروں پر زور دیا ہے کہ وہ جدید طبی تحقیق اور عصری رجحانات سے خود کو باخبر رکھیں تاکہ احسن انداز میں دُکھی انسانیت کی خدمت کرکے اپنے مقدس پیشے کا حق ادا کریں ۔ان خیالات کا اظہار اُنہوں نے بدھ کے روز لیڈی ریڈنگ ہسپتال پشاور میں گرینڈ ڈاکٹرز الائنس کے نو منتخب کابینہ کے حلف برداری کی تقریب سے بحیثیت مہمان خصوصی خطاب کرتے ہوئے کیا۔

وزیر خزانہ نے کہا کہ طب انتہائی مہذہب پیشہ ہے اور اس پیشے سے وابستہ ماہرین ذہین اور قابل احترام ہیں ۔ صوبائی وزیر نے کہا اس صوبے کے ڈاکٹر قابل اور محنتی ہے اور انہیں صوبے کے طبی ماہرین پر بجا طور پر فخر ہے۔ وزیر خزانہ نے لیڈی ریڈنگ ہسپتال کا ذکر کرتے ہوئے کہا کہ اس ہسپتال کی صوبے بھر میں اہمیت ہے کیونکہ یہ ادارہ مریضوں کے بوجھ اُٹھانے اور ایمرجنسی میں بہتر خدمات فراہم کرنے میں اہم کردار ادا کرتا ہے ۔

اُنہوں نے ڈاکٹروں پر زور دیا کہ وہ مریضوں کا بہتر انداز میں خدمت کرنے کے لئے ہسپتالوں میں نظم و ضبط برقرار رکھنے پر توجہ دیں ۔ وزیر خزانہ نے نوجوان ڈاکٹروں کو خصوصی طور پر طب کے مختلف شعبوں میں مہارت حاصل کرنے اور معاشرے کی بہتر انداز میں خدمت کرنے کی تلقین کی ۔ اُنہوں نے توقع ظاہر کی کہ نو منتخب کابینہ افہام و تفہیم اور جمہوری طریقوں سے مسائل کے حل کے لئے کوشش کرکے ہنگاموں اور ہٹلر بازی کی حوصلہ شکنی کرے گا۔

وزیر خزانہ نے یقین دلایا کہ حکومت ڈاکٹروں کو درپیش مسائل کے حل کے لئے ٹھوس اقدامات کریگی ۔ اُنہوں نے ڈاکٹروں کے لئے ہاسٹل کی تعمیر کیلئے خصوصی اقدامات کر نے کا یقین دلایا ۔ وزیر خزانہ نے ہسپتال کو درپیش مسائل کے لئے پی سی ون کی تیاری کی بھی ہدایت کی۔ قبل ازیں ایسوسی ایشن کے صدر ڈاکٹر رضوان نے سپاسامے میں نئے ہاسٹل اور ہیڈبرج کی تعمیر ، ٹی ایم اوز کے وظیفے میں اضافے اور سروس سٹرکچر کا مطالبہ کیا۔

18/03/2015 - 17:41:39 :وقت اشاعت