بند کریں
صحت صحت کی خبریںحکمرانوں کو تعلیم ،صحت پر خصوصی توجہ دینے کی ضرورت ہے، چودھری احسن منظور
طبی مراکز میں کہیں ..

صحت خبریں

وقت اشاعت: 28/04/2015 - 18:08:51 وقت اشاعت: 28/04/2015 - 18:06:48 وقت اشاعت: 28/04/2015 - 17:52:42 وقت اشاعت: 28/04/2015 - 17:50:34 وقت اشاعت: 28/04/2015 - 17:44:44 وقت اشاعت: 28/04/2015 - 17:35:18 وقت اشاعت: 28/04/2015 - 17:23:32 وقت اشاعت: 28/04/2015 - 17:07:57 وقت اشاعت: 28/04/2015 - 17:07:57 وقت اشاعت: 28/04/2015 - 17:06:13 وقت اشاعت: 28/04/2015 - 17:06:13

حکمرانوں کو تعلیم ،صحت پر خصوصی توجہ دینے کی ضرورت ہے، چودھری احسن منظور

طبی مراکز میں کہیں ادویات ناپید تو کہیں سٹاف غیر حاضر ،شیخ زید ہسپتال میں سٹی سکین کی خراب مشین کے باعث مریضوں کو ایبٹ آباد ریفر کیا جاتا ہے‘رہنماء ن لیگ آزاد کشمیر

مظفرآباد(اُردو پوائنٹ اخبار تازہ ترین۔ 28اپریل۔2015ء)مسلم لیگ ن آزادکشمیر کے جوائنٹ سیکرٹری چوہدری احسن منظور نے کہا ہے کہ حکمرانوں کو تعلیم اور صحت پر خصوصی توجہ دینے کی ضرورت ہے۔ طبی مراکز میں کہیں ادویات ناپید تو کہیں سٹاف غیر حاضر جبکہ شیخ زید ہسپتال میں سٹی سکین کی خراب مشین کے باعث مریضوں کو ایبٹ آباد ریفر کیا جاتا ہے‘ جبکہ ٹھیکہ سسٹم سے تعلیمی سٹریکچر تباہی کے دہانے پر ہے۔

ہمیں اپنا احتساب کرنا چاہیے ‘ ٹیکس سے حاصل ہونیوالی آمدنی کا غلط استعمال نہ کیا جائے بلکہ محنت اور کام کیساتھ ایمانداری برت کر ہی بہترین شہری کا عملی ثبوت دینا ہوگا۔ ان خیالات کا اظہار انہوں نے مختلف سیاسی و سماجی شخصیات سے ملاقات کے دوران گفتگو کرتے ہوئے کیا۔ انہوں نے کہا کہ جو لوگ وقت کی پابند ی اور اپنے کام کیساتھ انصاف نہیں برتے وہ لوگ کبھی کامیاب نہیں ہوسکتے ایسے لوگوں کو چاہیے کہ وہ یا تو اپنا احتساب کریں یا پھر ملازمتوں سے مستعفی ہو جائیں ۔

حلا ل کمانے والے کو اﷲ پاک نے اپنا دوست کہا ہے ۔ ہمیں حلال رزق کی تلاش کرنی ہوگی۔ انہوں نے کہا کہ الیکشن میں ہمیں ایسی قیادت کا انتخاب کرنا چاہیے جو ریاست کی فلاح و بہبود ‘ غریب متوسط طبقے کی نمائندگی کا حق ادا کرسکے۔ ہمیں ایسے لوگوں کا ہر گز ساتھ نہیں دینا چاہیے جو اقتدار میں آکر عوام کو بھول جائیں اور الیکشن قریب آتے ہی عوام عوام کے نعرے لگائیں۔

انہوں نے کہا کہ مسلم لیگ ن ہی وہ واحد جماعت ہے جو غریب عوام کے حقوق کیلئے جدوجہد جاری رکھے ہوئے ہے۔ چوہدری احسن منظور نے وفود کو یقین دہانی کروائی کے ہمت ‘جرت اور امید کیساتھ آگے بڑھانا ہوگا ۔ انشاء اﷲ آنیوالا وقت عوام کا ہے۔ مسلم لیگ ن عوامی جماعت ہے جو ریاستی عوام کے حقوق کے تحفظ اور خطہ کی تعمیروترقی کیلئے اپنا کردار ادا کرسکتی ہے۔

28/04/2015 - 17:35:18 :وقت اشاعت