بند کریں
صحت صحت کی خبریں پاکستان سمیت دنیا بھر میں ورلڈ ایگ ڈے کل منایا جائے گا

صحت خبریں

وقت اشاعت: 09/10/2015 - 13:24:36 وقت اشاعت: 09/10/2015 - 13:22:54 وقت اشاعت: 08/10/2015 - 17:05:15 وقت اشاعت: 08/10/2015 - 16:40:51 وقت اشاعت: 08/10/2015 - 15:26:46 وقت اشاعت: 08/10/2015 - 15:10:15 وقت اشاعت: 08/10/2015 - 15:00:20 وقت اشاعت: 08/10/2015 - 13:24:51 وقت اشاعت: 07/10/2015 - 16:45:14 وقت اشاعت: 07/10/2015 - 14:53:54 وقت اشاعت: 07/10/2015 - 14:40:57

پاکستان سمیت دنیا بھر میں ورلڈ ایگ ڈے کل منایا جائے گا

فیصل آباد۔8 اکتوبر(اُردو پوائنٹ اخبار تازہ ترین۔ 08 اکتوبر۔2015ء)دنیا بھر کے دیگر ممالک کی طرح پاکستان میں بھی کل 9 اکتوبر بروزجمعہ کو ورلڈ ایگ ڈے منایا جائیگاجس کا مقصد انڈے کی غذائی اہمیت پر روشنی ڈالنا ہے جبکہ ورلڈ ایگ ڈے کے موقع پرفیصل آباد چیمبر کے زیر اہتمام ایک تقریب منعقد کی جائے گی جس کے مہمان خصوصی وفاق ایوان ہائے صنعت وتجارت پاکستان کے صدر میاں ادریس ہوں گے ۔

پاکستان پولٹری ایسوسی ایشن ناردرن زون کے میڈیا کو آرڈینیٹرنے ایک ملاقات کے دوران اُردو پوائنٹ اخبار تازہ ترین۔ 08 اکتوبر۔2015ء کو بتایا کہ ایسوسی ایشن کے زیر اہتمام تمام ڈویژنل ہیڈ کوارٹرز پر واکس کا بھی انعقاد کیا جائے گا۔ انہوں نے بتایا کہ فیصل آباد میں یہ واک صبح 11 پریس کلب سے شروع ہو کر چوک گھنٹہ گھر پہنچ کر اختتام پذیر ہوگی جس کی قیادت پاکستان پولٹری ایسوسی ایشن فیصل آباد برانچ کے عہدیداران کریں گے۔

انہوں نے بتایا کہ اس موقع پر انڈے کی غذائی اہمیت کو اجاگر کرنے کیلئے خصوصی لٹریچر بھی تقسیم کیا جائے گا۔ انہوں نے بتایا کہ واک کے اختتام پر چوک گھنٹہ گھر میں ایک خصوصی تقریب منعقد کی جائے گی جس میں تقریب کے شرکاء میں کھانے کیلئے انڈے بھی تقسیم کئے جائیں گے۔مزید برآں ورلڈ ایگ ڈے کے حوالے سے آج جمعہ کے روز ایوان صنعت وتجارت فیصل آباد میں بھی ایک خصوصی تقریب منعقد کی جائے گی جس کے مہمان خصوصی فیڈریشن آف پاکستان چیمبر آف کامرس اینڈ انڈسٹری کے صدر میاں محمد ادریس ہوں گے۔

چیمبر کے ترجمان نے بتایاکہ اس تقریب کا مقصد تاجروں اور عوام کو انڈے کی غذائی اہمیت اور افادیت سے آگاہ کرنے کے ساتھ ساتھ اس سے منسلک غلط قسم کی توجیہات کی نفی کرنا ہے جس کے تحت بہت سے لوگ گرمیوں میں انڈے کھانے سے اجتناب کرتے ہیں۔علاوہ ازیں ورلڈ ایگ ڈے فیصل آباد کے کو آرڈی نیٹر ڈاکٹر خالد محمود شوق نے بتایا کہ انڈے سستی پروٹین کابہت بہترین ذریعہ ہیں جس کا استعمال انسانی صحت کیلئے انتہائی ضروری ہے۔ ٹیکسیشن کے بارے میں ایوان صنعت و تجارت فیصل آباد کی قائمہ کمیٹی کے چیئرمین چوہدری طلعت محمود نے بتایا کہ پولٹری کے مستقبل کی اہمیت کے پیش نظر چیمبر میں پولٹری کی صنعت بارے کمیٹی قائم کی جائے گی تاکہ اس صنعت کو درپیش مسائل کو منظم طریقے سے حل کرایا جا سکے۔

08/10/2015 - 15:10:15 :وقت اشاعت