بند کریں
صحت صحت کی خبریںجاپانی ڈائٹ ٹاسک فورس برائے پولیو کا دورہِ اسلام آباد،پاکستان سے پولیو کے خاتمہ کیلئے متعلقہ ..

صحت خبریں

وقت اشاعت: 15/10/2015 - 21:00:14 وقت اشاعت: 15/10/2015 - 16:05:11 وقت اشاعت: 15/10/2015 - 12:35:32 وقت اشاعت: 15/10/2015 - 11:33:59 وقت اشاعت: 14/10/2015 - 16:55:43 وقت اشاعت: 14/10/2015 - 16:39:04 وقت اشاعت: 14/10/2015 - 16:22:52 وقت اشاعت: 14/10/2015 - 16:21:28 وقت اشاعت: 14/10/2015 - 13:59:42 وقت اشاعت: 14/10/2015 - 13:24:30 وقت اشاعت: 14/10/2015 - 12:00:13

جاپانی ڈائٹ ٹاسک فورس برائے پولیو کا دورہِ اسلام آباد،پاکستان سے پولیو کے خاتمہ کیلئے متعلقہ سرکاری و غیر سرکاری حکام سے ملاقا تیں

اسلام آباد(اُردو پوائنٹ اخبار تازہ ترین۔ 14 اکتوبر۔2015ء)جاپانی ڈائٹ ٹاسک فورس برائے پولیو کے وفد نے اسلام آباد کا دو روزہ دورہ کیا ،پاکستان سے پولیو کے خاتمہ کیلئے متعلقہ سرکاری و غیر سرکاری حکام سے ملاقا تیں کیں اور پولیو کے خاتمہ کیلئے کوششوں پر تبادلہ خیال کیا گیا ،اس وفد کی قیادت جاپانی ایوان بالا کے رکن کینزو فوجیسوئے نے کی جبکہ اس وفد میں جاپانی ایوان زیریں کی رکن توشیکو ابے اور شوہے کشیموتو بھی شامل تھے جاپان کی اس ٹاسک فورس کا مقصد عالمی سطح پر بچوں میں پولیو کے خاتمہ کے مقصد کے حصول کیلئے کوشاں ہیں جاپانی وفد نے اپنے دو روزہ دورے کے دوران وزیر مملکت برائے نیشنل ہیلتھ سروسز سائرہ افضل تارڑ اور پولیو کے خاتمے کیلئے وزیر اعظم کی فوکل پرسن عائشہ رضا فاروق سے بھی ملاقات کی اور پولیو کے خاتمے سے متعلق مختلف امور پر تبادلہ خیال کیا جاپانی وفد نے پاکستان میں پولیو کے خاتمہ کیلئے جاری مہم کا بھی مشاہدہ کیا اور مستقبل میں پولیو کے خاتمے کیلئے جاپان کے کردار کا بھی جائزہ لیا وفد کے سربراہ نے اس امید کا اظہار کیا کہ وفاقی حکومت ملک سے پولیو کے خاتمے کیلئے مقامی حکومتوں کے تعاون سے اپنی کوششیں جاری رکھے گی جاپانی وفد نے پاکستان میں کام کرنے والی غیر سرکاری تنظیموں کے حکام سے ملاقات کے دوران پاکستان سے پولیو کے خاتمے کے حوالے سے موجودہ صورت ھال اور درپیش مسائل کا جائز ہ لیا اور لیڈی ہیلتھ ورکرز کے گھروں کا بھی دورہ کیا وزیر مملکت برائے نیشنل ہیلتھ سروسز سائرہ افضل تارڑ سے ملاقاتن کے دوران وفد کے سربراہ کا کہنا تھا کہ پاکستان پوری دنیا سے پولیو کے خاتمہ کیلئے کردار ادا کرے انہوں نے ملک میں پولیو کے خاتمے کیلئے پاکستانی حکومت کی کارکردگی کو سراہا دونوں اطراف سے پاکستان کو پولیو فری ملک بنانے کیلئے جاپان اور پاکستان میں روابط کو مضبوط بنانے کی ضرورت پر زور دیا ۔

14/10/2015 - 16:39:04 :وقت اشاعت