بند کریں
صحت صحت کی خبریںکینو انسان کو مہلک بیماریوں سے محفوظ رکھتا ہے، طبی ماہرین

صحت خبریں

وقت اشاعت: 27/01/2016 - 13:18:27 وقت اشاعت: 27/01/2016 - 13:18:27 وقت اشاعت: 27/01/2016 - 12:53:28 وقت اشاعت: 27/01/2016 - 11:54:20 وقت اشاعت: 26/01/2016 - 17:40:33 وقت اشاعت: 26/01/2016 - 17:40:33 وقت اشاعت: 26/01/2016 - 16:39:27 وقت اشاعت: 26/01/2016 - 16:39:27 وقت اشاعت: 26/01/2016 - 15:22:11 وقت اشاعت: 26/01/2016 - 14:25:34 وقت اشاعت: 26/01/2016 - 14:15:07

کینو انسان کو مہلک بیماریوں سے محفوظ رکھتا ہے، طبی ماہرین

کراچی (اُردو پوائنٹ اخبارتازہ ترین۔26 جنوری۔2016ء) قدرت نے ہمیں بے شمار پھلوں کی نعمت سے نوازا ہے جن میں بے تحاشہ غذائیت اور بہت سی بیماریوں کا راز چھپا ہے۔کینو موسم سرما کا ایک ایسا پھل ہے جو اپنے منفرد ذائقہ کی بدولت پسند کیا جاتا ہے، کھٹا اور میٹھا یہ پھل اپنے اندر بے شمار غذائیت رکھتا ہے اور اس کا استعمال ہماری صحت مند زندگی کے لئے ضروری ہے۔

اسی حوالے سے کینو کے چند حیرت انگیز فوائد جو یقینا بیماریوں سے محفوظ اور صحت مند زندگی گزارنے میں انتہائی معاون ثابت ہوں گے۔طبی ماہرین کا کہنا ہے کہ کینو کا استعمال سرطان جیسے موذی مرض سے بچا میں مدد فراہم کرتا ہے کیونکہ کینو میں شامل سٹرس لیمینائڈ جلد، پھیپڑے، چھاتی اور معدے سمیت متعدد قسم کے سرطان سے بچاتا ہے۔روزانہ ایک گلاس اگر کینو کا جوس پی لیا جائے تو اس سے نہ صرف گردے کی بیماریوں سے محفوظ رہا جاسکتا ہے بلکہ گردے میں ہونے والی پتھری سے بچا کے امکانات بھی بڑھ جاتے ہیں۔

انسان کی صحت کا زیادہ تر دارومدار اس کے دل کی فٹنس پر ہوتا ہے جتنا اس کا دل صحت مند اور بیماریوں سے پاک ہوگا اتنی ہی اچھی زندگی آپ گزار سکیں گے اور دل کو مکمل فٹ رکھنے کے لئے کینو کا استعمال کریں کیونکہ اس میں پوٹاشیم شامل ہوتا ہے جو امراض قلب سمیت کولیسٹرول کو بھی قابو میں رکھتا ہے۔بڑھتی عمر کے ساتھ انسان کی جلد بھی ڈھلکنا شروع ہو جاتی ہے اور جھریوں کا شکار ہوجاتی ہے لیکن طبی ماہرین کا کہنا ہے کہ کینو میں وٹامن سی شامل ہوتا ہے جو جلد کے لئے انتہائی مفید ہے اور اس کے علاوہ کینو بڑھتی عمر کے اثرات کو بھی روکتا ہے۔

ہنگامہ خیز اور مصروف زندگی نے بلڈ پریشرکی زیادتی کو معمول بنادیا ہے جسے خاموش قاتل مرض بھی کہا جاتا ہے اوراس کو قابو میں رکھنا بھی بے حد ضروری ہے لہذا کینو کا استعمال بلند فشار خون کو کم کرتا ہے اور اس کو قابو میں رکھتا ہے۔

26/01/2016 - 17:40:33 :وقت اشاعت