بند کریں
صحت صحت کی خبریں مہلک مرض ڈینگی بخار کی روک تھام ہم سب کی ذمہ داری ہے‘ڈی سی او خانیوال

صحت خبریں

وقت اشاعت: 07/04/2016 - 16:52:46 وقت اشاعت: 07/04/2016 - 16:52:46 وقت اشاعت: 07/04/2016 - 15:16:06 وقت اشاعت: 07/04/2016 - 12:54:55 وقت اشاعت: 07/04/2016 - 12:33:32 وقت اشاعت: 07/04/2016 - 12:33:32 وقت اشاعت: 07/04/2016 - 12:27:21 وقت اشاعت: 07/04/2016 - 12:22:51 وقت اشاعت: 06/04/2016 - 20:36:53 وقت اشاعت: 06/04/2016 - 16:53:00 وقت اشاعت: 06/04/2016 - 16:37:55

مہلک مرض ڈینگی بخار کی روک تھام ہم سب کی ذمہ داری ہے‘ڈی سی او خانیوال

خانیوال (اُردو پوائنٹ اخبارتازہ ترین۔07 اپریل۔2016ء)ڈی سی او خانیوال خالد محمود شیخ نے کہا ہے کہ مہلک مرض ڈینگی بخار کی روک تھام ہم سب کی ذمہ داری ہے جس کے لیے ڈینگی وائرس کی پیدائش و افزائش کو روکنا اشد ضروری ہے معاشرے کے تمام افراد محکمہ صحت کی احتیاطی تدابیر پر عمل کرکے ڈینگی کے جڑسے خاتمہ کے لیے حکومت کا ساتھ دیں ان خیالات کا اظہار انہوں نے محکمہ صحت ضلع گورنمنٹ کے زیر اہتمام ڈی ایچ او آفس میں منعقد ایک سیمینار کے دوران کیا جس میں ڈی او سی افتخار علی ‘ ای ڈی او ہیلتھ ڈاکٹر فضل کریم ‘ ای ڈی او ورکس ناصر جلال ‘ ای ڈی او ایجوکیشن اعزاز احمد جوئیہ ‘ ای ڈی او زراعت رانا احمد منیر ‘ ڈی ایم او صہیب اقبال ‘ ڈی ایچ او غلام مرتضیٰ ‘ پروفیسر آف سکن سپیشلسٹ غلام مجتبیٰ ‘ محکمہ پولیس ‘ کوآپریٹو ‘ سول ڈیفنس ‘ محکمہ اطلاعات ‘ محکمہ زراعت ‘ تعلیمی اداروں کے سربراہان ‘ سیاسی و سماجی کارکنان ‘ علماء اور سول سوسائٹی کے لوگوں نے شرکت کی ۔

ڈی سی او نے کہا کہ حکومت پنجاب نے صوبہ بھر میں تمام سرکاری اداروں کو اس کی پیشگی روک تھام کے تسلسل کے ساتھ اپنی کاوشیں جاری رکھنے کی ہدایات کی ہوئی ہیں انہوں نے لوگوں پر زور دیا کہ وہ سرکاری ہدایات پر جان لیوا بیماریوں کے خاتمہ کے لیے انتہائی شدت اور سنجیدگی سے حکومت پنجاب کا ساتھ دیں ۔سیمینار سیح ای ڈی او ہیلتھ ڈاکٹر فضل کریم نے خطاب کرتے ہوئے کہا کہ ضلع خانیوال میں تا حال ڈینگی کا کوئی مریض نہ ہے اور اس کے لاروے کی بھی تا حال کوئی تشخیص نہ ہے انہوں نے کہا کہ شہریوں کی سہولت کے لیے ڈی ایچ کیو میں ڈینگی کے علاج کے لیے وارڈوں میں بستر مخصوص ہیں اور علاج معالجہ کی وافر مقدار میں ادویات بھی موجود ہیں انہوں نے مزید کہا کہ ضلع بھر میں محکمہ صحت کی 17ٹیمیں تسلسل کے ساتھ کام کر رہی ہیں ۔

ڈسٹرکٹ کوارڈنیٹر ڈاکٹر آصف علی نے ڈینگی بخار ‘ مچھر کے وجود کی جگہ اس کی پرورش ‘ ڈینگی بخار کی علامات ‘ احتیاطی تدابیر ‘ تشخیص بیماری اور علاج بارے مکمل آگاہی فراہم کرتے ہوئے بتایا کہ شہری اپنے اردگرد کے ماحول کو صاف ستھرا رکھنے کے ساتھ ساتھ صاف پانی کے ٹٹھہراؤ کا ہر جگہ سے خاتمہ کریں ۔قبل ازیں سیمینار میں ملٹی میڈیا کے ذریعے حاضرین کو ڈینگی بارے آگاہی دی گئی اور بعد ازاں ڈی سی او کی قیادت میں انسداد ڈینگی واک منعقد ہوئی جس میں تمام مکاتب فکر کے لوگوں کے ساتھ ساتھ سرکاری افسران ‘ طلباء و طالبات اور محکمہ صحت کے ملازمین نے شرکت کی واک ڈی ایچ او آفس سے شروع ہو کر Tچوک پر اختتام پذیر ہوئی شرکاء نے لوگوں کو ڈینگی بارے آگاہی فراہم کرنے کے لیے بینرز اور پلے کارڈز اٹھا رکھے تھے اختتام پر ڈی سی او نے لوگوں میں ڈینگی بارے شعور بیدار کرنے کے لیے پمفلٹ بھی تقسیم کیے -

07/04/2016 - 12:33:32 :وقت اشاعت