بند کریں
صحت صحت کی خبریںپیازکے حیرت انگیزطبی فوائد‘جلے سے لیکربخار تک کا علاج پیازکے رس سے کریں

صحت خبریں

وقت اشاعت: 19/05/2016 - 11:35:52 وقت اشاعت: 18/05/2016 - 19:59:50 وقت اشاعت: 18/05/2016 - 17:01:57 وقت اشاعت: 18/05/2016 - 16:45:48 وقت اشاعت: 18/05/2016 - 15:12:32 وقت اشاعت: 18/05/2016 - 14:51:41 وقت اشاعت: 18/05/2016 - 14:01:10 وقت اشاعت: 18/05/2016 - 13:31:07 وقت اشاعت: 18/05/2016 - 13:28:48 وقت اشاعت: 18/05/2016 - 11:36:14 وقت اشاعت: 18/05/2016 - 11:24:19

پیازکے حیرت انگیزطبی فوائد‘جلے سے لیکربخار تک کا علاج پیازکے رس سے کریں

کولکتہ(ا ردو پوائنٹ اخبارتازہ ترین-انٹرنیشنل پریس ایجنسی۔18مئی۔2016ء)پرانے لوگ بیماریوں اور تکالیف کے علاج کے لیے اپنے پاس دستیاب قدرتی مواد اور اشیاءپر انحصار کرتے تھے اور اس وقت دواوں کو نہیں جانا گیا تھا۔ اس کے باوجود وہ لوگ اچھی صحت اور بیماریوں سے لڑنے کے لیے بہترین قوت مدافعت کے حامل ہوتے تھے۔آج کے جدید دور میں ہم کوئی بھی درد یا کسی بیماری کی علامت محسوس کرتے ہیں تو فورا ڈاکٹر کا رخ کرتے ہیں اور دوائیں کھانا شروع کر دیتے ہیں۔

صحت سے متعلق ایک رپورٹ کے مطابق ہمارے گھروں میں دستیاب پھل، سبزیاں، جڑی بوٹیاں اور مصالحہ جات بہت سی بیماریوں اور تکالیف کے لیے شفا کے خزانے کی حیثیت رکھتے ہیں۔ ان ہی میں ایک بے مثال خزانہ پیاز بھی ہے۔کوئی باورچی خانہ بھی پیاز سے خالی نہیں ہوتا اس لیے کہ اکثر کھانوں میں اس کا استعمال ہوتا ہے اور ہم روزانہ ہی اس کو کھاتے ہیں۔ تاہم کیا آپ پیاز کے صحت کے لیے فوائد اور معالجاتی خصوصیات سے واقف ہیں؟ پیاز کا رس جلد کے معمولی طور پر جلنے کی صورت میں اس کے علاج کی صلاحیت رکھتا ہے۔

آپ تازہ پیاز کی ایک موٹی پرت لے کر اسے جلی ہوئی جلد پر مَل سکتے ہیں تاکہ جلنے کی تکلیف کم ہوجائے اور اس کا فوری علاج ہوسکے۔پیاز کا رس کیڑوں کے کاٹ لینے کی تکلیف کم کرنے کا بھی ذریعہ ہے۔ اس کے لیے متاثرہ جلد پر تازہ پیاز کا ٹکڑا لے کر مَلا جائے۔پیاز سے "پاوں کے گوکھرو" foot corn کا علاج بھی کیا جاتا ہے۔ اس کے لیے پیاز کے ٹکڑوں کو لے کر پاوں کے متاثرہ مقام پر مَلا جائے تو بتدریج یہ گوکھرو ختم ہوتا جائے گا۔

پیاز جسم کے بلند درجہ حرارت کو کم کرتی ہے۔ اگر آپ کو بخار ہے تو آپ سونے کے لیے جانے سے پہلے پیاز کی کچھ پرتیں اپنے موزے میں رکھ لیں تاکہ پیاز پاو¿ں کے تلوے کو چھوتی رہے۔ یہ جسم کے درجہ حرارت کو کرنے میں معاون ہوتا ہے اور پاو¿ں سے زہریلے مواد کو چوس لیتا ہے۔ اگر آپ کو متلی کی شکایت ہے تو پیاز کے رس کے دو چمچے پی لینے سے آپ کا علاج ہوسکتا ہے۔ یہ عمل قے کو روکتا ہے اور متلی کے احساس کو کم کردیتا ہے۔ اگر آپ بالوں کی سست نشونما کے مسئلے سے دوچار ہیں تو روزانہ بالوں کی جڑوں میں پیاز کے رس کا مساج کریں اور کچھ وقت کے لیے ایسے ہی چھوڑ کر پھر شیمپو سے سر کو دھولیں۔ پیاز بالوں کی نشونما کی رفتار کو تیز کر دیتی ہے۔

18/05/2016 - 14:51:41 :وقت اشاعت