پی آئی سی اور گلاب دیوی چیسٹ ہسپتا ل کے درمیان امراض قلب کے شعبہ میں تعاون کو فروغ دیا جائے گا ‘ خواجہ سلمان رفیق

ہفتہ 28 مئی 2016 16:37

لاہور ( اُردو پوائنٹ اخبارتازہ ترین - این این آئی۔28 مئی۔2016ء) پنجاب انسٹی ٹیو ٹ آف کارڈیالوجی میں مریضوں کا رش اور ویٹنگ لسٹ کم کرنے کیلئے گلاب دیوی چیسٹ ہسپتال کے ساتھ امراض قلب کے شعبہ میں تعاون کو فروغ دیا جائے گا ،حکومت گلاب دیوی ہسپتال کو خصوصی فنڈز فراہم کرے گی۔ یہ بات مشیر وزیر اعلی پنجاب برائے صحت خواجہ سلمان رفیق نے سیکرٹری سپیشلائزڈ ہیلتھ کیئر اینڈ میڈیکل ایجوکیشن نجم احمد شاہ کے ہمراہ گلاب دیوی چیسٹ ہسپتال کے شعبہ امراض قلب کا دورہ کے موقعہ پر کہی ۔

چیف ایگزیکٹو پنجاب انسٹی ٹیوٹ آف کارڈیالوجی پروفیسر ندیم حیات ملک ،کنگ ایڈورڈ میڈیکل یونیورسٹی کے پروفیسر ڈاکٹر اسد اسلم خان ،علامہ اقبال میڈیکل کالج کے پرنسپل پروفیسر محمود شوکت ،ماہر امراض قلب پروفیسر زبیر ،ایڈیشنل سیکرٹری ڈویلپمنٹ ظہیر عباس ملک ،ایڈیشنل سیکرٹری ٹیکنیکل ڈاکٹر سلمان شاہد اور ایم ایس گلاب دیوی ہسپتال ڈاکٹر محمد حامد بھی اس موقع پر موجود تھے ۔

(جاری ہے)

خواجہ سلمان رفیق اور سیکرٹری ہیلتھ نے دیگر طبی ماہرین کے ہمراہ گلاب دیوی ہسپتال کے شعبہ امراض قلب کی ایمرجنسی ،میڈیکل وارڈ ،کارڈیک سرجری یونٹ اور انجیو گرافی سیکشن کا معائنہ کیا ۔اس موقع پر سیکرٹری ہیلتھ نجم احمد شاہ نے کہا کہ گلاب دیوی ہسپتال کے شعبہ امراض قلب کے انفراسٹرکچر اور طبی آلات کو اس کی کپیسٹی کے مطابق استعمال میں لاکر زیادہ مریضوں کو علاج اور کارڈیک سرجری کی سہولیات مہیا کی جاسکتی ہیں ۔

انہوں نے کہا کہ گلاب دیوی ہسپتال کی سہولیات اور ہیومن ریسوس کو مزید بہتر بنانے کیلئے حکومت پنجاب فنڈز فراہم کرے گی اور پنجاب انسٹی ٹیوٹ آف کارڈیالوجی کے ساتھ ریفرل سسٹم بنایا جائے گا ۔انہو ں نے کہا کہ لاہور کے تمام پبلک سیکٹر ٹیچنگ ہسپتال میں بھی امراض قلب کے علاج کی سہولیات دستیاب ہیں ان کے درمیان ایک لنک کے ذریعے مریضوں اور بستروں کی تعداد اور دیگر سہولیات کاڈیٹا شیئرنگ سسٹم بھی تشکیل دیا جائے گا تا کہ ایک دوسرے کی سہولیات سے استفادہ کیا جا سکے ۔

نجم احمد شاہ نے ہدایت کی کہ پبلک سیکٹر کے ٹیچنگ ہسپتالوں کے شعبہ امراض قلب کو مکمل فعال کیا جائے اور دل کے مریضوں کیلئے دستیاب سہولیات کو بروئے کار لاتے ہوئے امراض قلب کے مریضوں کی سہولیات میں اضافہ کیا جائے تا کہ پی آئی سی پر مریضوں کا رش کم ہو سکے ۔اس موقع پر پروفیسر ندیم حیات ملک نے بتایا کہ پی آئی سی میں روزانہ شعبہ ایمرجنسی میں 700سے زیادہ مریضوں کو علاج معالجہ کی سہولیات فراہم کی جاتی ہیں جس میں شہر کے دیگر ہسپتالوں سے ریفر ہو کر آنے واے مریض بھی شامل ہیں ۔

Browse Latest Health News in Urdu

سائنسدانوں نے پاکستان میں کوویڈ-19 کے انفیکشن سے کم نقصانات ہونےکی وجوہات ظاہرکردیں

سائنسدانوں نے پاکستان میں کوویڈ-19 کے انفیکشن سے کم نقصانات ہونےکی وجوہات ظاہرکردیں

پاکستان میں پہلی بارایک جگر کی دو مریضوں میں پیوندکاری اورلبلبے کی ٹرانسپلانٹ کا کامیاب تجربہ

پاکستان میں پہلی بارایک جگر کی دو مریضوں میں پیوندکاری اورلبلبے کی ٹرانسپلانٹ کا کامیاب تجربہ

6 گھنٹے سے کم کی نیند ذیا بیطس کے اضافی خطرات کا سبب قرار

6 گھنٹے سے کم کی نیند ذیا بیطس کے اضافی خطرات کا سبب قرار

ہومیو پیتھک طریقہ علاج  سے ہزاروں مریض بغیر آپریشن کے شفا یاب ہو رہے ہیں ، صدرڈاکٹرخادم حسین کھیڑا

ہومیو پیتھک طریقہ علاج سے ہزاروں مریض بغیر آپریشن کے شفا یاب ہو رہے ہیں ، صدرڈاکٹرخادم حسین کھیڑا

’’ پنز‘‘مفت ادویات کی فراہمی میں صوبے کے سرکاری ہسپتالوں میں پہلے نمبر پرآگیا

’’ پنز‘‘مفت ادویات کی فراہمی میں صوبے کے سرکاری ہسپتالوں میں پہلے نمبر پرآگیا

ہارٹ اٹیک کے مریضوں کیلئے پہلا گھنٹہ انتہائی اہم ہوتا ہے،بروقت علاج سے  زندگی بچائی جاسکتی ہیں، ایم ..

ہارٹ اٹیک کے مریضوں کیلئے پہلا گھنٹہ انتہائی اہم ہوتا ہے،بروقت علاج سے زندگی بچائی جاسکتی ہیں، ایم ..

میو ہسپتال میں گردوں کی پتھریوں کیلئے جدید طریقہ علاج پی سی این ایل اپنا لیا گیا

میو ہسپتال میں گردوں کی پتھریوں کیلئے جدید طریقہ علاج پی سی این ایل اپنا لیا گیا

دوگھنٹے سے زیادہ سمارٹ فون اور ڈیوائسزکا استعمال آپ کو توجہ کی کمی‘ جینیاتی عارضے اور مسلسل ذہنی خلفشار ..

دوگھنٹے سے زیادہ سمارٹ فون اور ڈیوائسزکا استعمال آپ کو توجہ کی کمی‘ جینیاتی عارضے اور مسلسل ذہنی خلفشار ..

سول ہسپتال میں جدید طبی سہولیات کی فراہمی کا عزم، ڈی سی جہلم نے جدید ترین آپریشن تھیٹر کا افتتاح کر دیا

سول ہسپتال میں جدید طبی سہولیات کی فراہمی کا عزم، ڈی سی جہلم نے جدید ترین آپریشن تھیٹر کا افتتاح کر دیا

پنجاب میں 24 گھنٹوں کے دوران نمونیا سے مزید 5 بچے دم توڑ گئے

پنجاب میں 24 گھنٹوں کے دوران نمونیا سے مزید 5 بچے دم توڑ گئے

پاکستان میں ایک کروڑستر لاکھ سے زائد لوگ گردوں کے امراض میں مبتلا ہیں

پاکستان میں ایک کروڑستر لاکھ سے زائد لوگ گردوں کے امراض میں مبتلا ہیں

سرکاری ہسپتالوں میں سی ٹی سکین سروسزکی آؤٹ سورسنگ کے معاہدے پردستخط

سرکاری ہسپتالوں میں سی ٹی سکین سروسزکی آؤٹ سورسنگ کے معاہدے پردستخط