بند کریں
صحت صحت کی خبریں مون سون کے دوران ڈینگی لاروا تلفی کے اقدامات تیزی کے ساتھ جاری رکھے جائیں،اشفاق سرور

صحت خبریں

وقت اشاعت: 28/06/2016 - 14:17:02 وقت اشاعت: 27/06/2016 - 16:38:55 وقت اشاعت: 27/06/2016 - 15:46:44 وقت اشاعت: 27/06/2016 - 14:34:27 وقت اشاعت: 27/06/2016 - 14:02:56 وقت اشاعت: 25/06/2016 - 16:19:26 وقت اشاعت: 25/06/2016 - 14:27:39 وقت اشاعت: 25/06/2016 - 14:27:39 وقت اشاعت: 24/06/2016 - 17:00:05 وقت اشاعت: 24/06/2016 - 17:00:05 وقت اشاعت: 24/06/2016 - 15:39:57

مون سون کے دوران ڈینگی لاروا تلفی کے اقدامات تیزی کے ساتھ جاری رکھے جائیں،اشفاق سرور

لاہور۔25 جون (اُردو پوائنٹ اخبارتازہ ترین۔25 جون۔2016ء)صوبائی وزیر محنت و افراد ی قوت راجہ اشفاق سرور نے کہا ہے کہ مون سون سیزن کے دوران ڈینگی لاروا تلفی کے اقدامات زور و شور کے ساتھ جاری و ساری رکھے جائیں، سرکاری محکمے ڈینگی ہاٹ سپاٹس پر کڑی نظر رکھیں،ان ڈور اور آوٹ ڈور ڈینگی سرولنس ٹیموں کی نشاندہی پر فوری کاروائی یقینی بنائیں تاکہ ڈینگی لاورا کی افزائش کا عمل روکا جا سکے۔

انہوں نے یہ ہدایات راولپنڈی میں کمشنر راولپنڈی ڈویژن عظمت محمود کے ہمراہ انسداد ڈینگی کے پندرہ روزہ اجلاس کے دوران جاری کیں۔اجلاس میں ڈی سی او راولپنڈی طلعت محمود گوندل، اے ڈی سی عارف رحیم ، اے سی کینٹ ڈاکٹر ستائش ، پارلیمانی سیکریٹری چوہدری سرفراز افضل ،صدر پاکستان مسلم لیگ (ن)میٹرو پولیٹن سردار محمد نسیم ،پاکستان مسلم لیگ (ن)کے رہنما ڈاکٹر جمال ناصر، اراکین صوبائی اسمبلی راجہ محمد حنیف ،افتخار احمد ملک ، لبنی ریحان کے علاوہ پاکستان مسلم لیگ (ن)کے رہنماوں سردار ممتاز خان، پیرزادہ راحت مسعود قدوسی، مرزا منصور بیگ اور سرکاری محکمو ں و اداورں کے افسران نے شرکت کی۔

راجہ اشفاق سرور نے کہاکہ جن مقامات سے بار بار لاروابرآمد ہو رہا ہے اور تنبہ کے باوجود اس کے ذمہ دارن پر کوئی اثر نہیں ہوتا ان کے خلاف مقدمات درج کرنے کے ساتھ ساتھ بھاری جرمانے بھی عائید کی جائیں تاکہ خود اپنے آپ اور دوسروں کی زندگی کے لئے خطرہ بننے والوں کو قرار واقعی سزائیں دی جاسکیں۔ انہوں نے کہاکہ وزیر اعلی پنجاب محمد شہباز شریف کی ہدایات پر صوبائی حکومت کی طرف سے ڈینگی پر قابو پانے کیلئے زیرو ٹالرلنس کی پالیسی پر عمل کیا جا رہا ہے اور اس میں کسی غفلت یا کوتاہی کو ہرگز معاف نہیں کیا جاسکتا۔

راجہ اشفاق سرور نے محکمانہ کارکردگی کا جائزہ لیتے ہوئے محکمہ اوقاف کی انسداد ڈینگی میں مایوس کن کارکردگی پر ایڈمنسٹریٹر اوقاف کو وارننگ جاری کی اور کہاکہ مساجد ، اماہ بارگاہوں ، درگاہوں اور زیارات پر جہاں بڑی تعداد میں لوگوں کی آمد و رفت ہوتی ہے ان کی زندگی کے تحفظ کے لئے وہاں ڈینگی لاروا تلفی کی سرگرمیاں باقاعدگی کے ساتھ جاری رکھی جائیں اور ان مقامات سے لوگوں تک بھی ڈینگی سے بچاو کا پیغام عام کیا جائے۔

صوبائی وزیر محنت و افراد ی قوت نے کہاکہ انتظامیہ کی طرف سے بھی ایسے اداروں کے خلاف کاروائی کی جائے جہاں ڈینگی لاروا برآمد ہو رہا ہے۔ انہوں نے کہاکہ ڈیلی ویجلینس رپورٹس کے مطابق تمام متعلقہ ادارے اپنے دائرہ اختیار کے مطابق ان مقامات پر ضروری کاروائی عمل میں لائیں جہاں ڈینگی لاروا برآمد ہو رہا ہے۔ کمشنر راولپنڈ ی عظمت محمود نے کہاکہ ٹائر شاپس ، کباڑ خانوں ، ہوٹلوں ، پارکس، قبرستانوں ، گوداموں اور اسی نوعیت کے دیگر مقامات پر ڈینگی لاروا سرولنس کے دوران ٹیمیں اپنی ذمہ داریاں پوری کریں، زیر زمین اور اوورہیڈ پانی کی ٹینکیوں میں لاروا کی افزائش نہ ہونے دیں اور مکینوں کو خبردار کریں ۔

انہوں نے کہاکہ ڈینگی سرولنس مہم کے دوران عدم تعاون کا مظاہرہ کرنے والوں کو نشاندہی کی جائے تاکہ ان کے خلاف قانونی کاروائی عمل لائی جاسکے۔ ڈی سی او راولپنڈی طلعت محمود گوندل نے بتایا کہ تما م متعلقہ اداروں کی کارکردگی بہتر بنانے کے لئے مانیٹرنگ جاری ہے اور ڈینگی سے بچاو کے لئے ایس او پی کے مطابق کاروائی کی جا رہی ہے۔چوہدری سرفراز افضل، ڈاکٹر جمال ناصر،راجہ محمد حنیف ، راحت مسعود قدوسی ، مرزا منصور بیگ اور اے ڈی سی عارف رحیم نے اس موقع پر ڈینگی کنٹرول کے لئے اٹھائے جانے والے اقدامات اور مسائل سے آگاہ کیا۔

ای ڈی او ہیلتھ ڈاکٹر ارشد صابر نے تفصیلی بریفنگ کے دوران ڈینگی کی صورت حال سے آگاہ کیا۔بعد ازاں راجہ اشفاق سرور نے شمس آباد مری روڈ پر قائم کئے گئے رمضان بازار کا دورہ کیا۔

25/06/2016 - 16:19:26 :وقت اشاعت