بند کریں
صحت صحت کی خبریں لاہور میں چھاتی کے سرطان کے ہسپتال کی تعمیر کیلئے چندہ جمع کرنے کی مہم
اسلام آباد میں چینی ..

صحت خبریں

وقت اشاعت: 30/08/2016 - 13:57:31 وقت اشاعت: 30/08/2016 - 11:53:11 وقت اشاعت: 30/08/2016 - 11:25:29 وقت اشاعت: 29/08/2016 - 16:38:41 وقت اشاعت: 29/08/2016 - 15:10:43 وقت اشاعت: 29/08/2016 - 14:40:36 وقت اشاعت: 29/08/2016 - 13:53:08 وقت اشاعت: 29/08/2016 - 13:50:26 وقت اشاعت: 29/08/2016 - 11:38:13 وقت اشاعت: 28/08/2016 - 14:49:13 وقت اشاعت: 27/08/2016 - 16:16:16

لاہور میں چھاتی کے سرطان کے ہسپتال کی تعمیر کیلئے چندہ جمع کرنے کی مہم

اسلام آباد میں چینی سفارتخانے کے عملی تعاون سے ایک ہفتہ تک جاری رہنے والے چیرٹی شوکا انعقاد

اسلام آباد (اُردو پوائنٹ اخبارتازہ ترین۔29 اگست ۔2016ء ) پاکستان میں تعینات غیر ملکی سفارتکاروں کی بیگمات نے لاہور میں خواتین کے چھاتی کے سرطان کے ہسپتال کی تعمیر میں مدد دینے کیلئے چینی سفارتخانے کی عملی حمایت سے گذشتہ روز یہاں ایک چیرٹی شو کا انعقاد کیا ، چھاتی کے سرطان کے اس سب سے پہلے ہسپتال کا تعمیراتی کام امسال اکتوبر میں شروع ہو گا اور اسے صاحب ثروت افراد اور رضا کار تنظیموں کی طرف سے دیئے جانے والے عطیات کے ذریعے دو سال کی مدت میں مکمل کیا جائے گا ، چینی سفیر کی اہلیہ مادام باؤجی چنگ نے اس موقع پر اخبار نویسوں کے ساتھ مختصر بات چیت کرتے ہوئے کہا کہ ہم پاکستان میں صحت او ر تعلیم کی سہولتوں کو بہتر بنانے میں بھرپور مدد کرنا چاہتے ہیں ، اس قسم کی کمیونٹی نوعیت والی سروسز چین پاکستان اقتصادی راہداری ( سی پیک ) کا حصہ ہیں ، اس تقریب کا اہتمام بین الاقوامی غیر ملکی خواتین کی تنظیم (آئی ایف ڈبلیو اے ) اور اسلام آبادکی وزارت خارجہ کے افسران کی بیگمات کی تنظیم نے مشترکہ طورپر کیاتھا ، اس موقع پر ملبوسات ، دستکاریاں اور آئی ٹی سے متعلقہ اشیاء رکھی گئی تھیں تا کہ ان کے ذریعے ہسپتال کیلئے عطیات اکٹھے کئے جا سکیں ، مہمانوں کی کشش کیلئے متعدد چینی کمپنیوں نے اپنی مصنوعات کے فروغ کیلئے اپنے سٹالز قائم کئے ، ایک ہفتہ جاری رہنے والے چیرٹی بازار کے دوران دونوں ممالک کے روایتی آلات موسیقی سے لیس پاک چین بینڈ نے اپنی کارکردگی کا مظاہرہ کیا ، افوا کی صدر نے اس موقع پر اپنے خطاب میں تقریب کے خصوصی پہلوؤں اور مقاصد پر روشنی ڈالی جن کا مقصد ہسپتال کی جلد تعمیر میں مدد کرنا ہے ، مادام باؤ جی چنگ نے مزید کہا کہ چھاتی کا سرطان پاکستان میں سنگین مسئلہ ہے ، ہر سال ہزاروں کی تعداد میں خواتین اس کا شکار ہو جاتی ہیں ، انہوں نے امید ظاہر کی کہ اس تقریب سے صاحب ثروت اور مخیر حضرات کو ہسپتال کی تعمیر میں فراخدلانہ حصہ لینے میں مدد ملے گی ، یہ کہتے ہوئے کہ رفاحی کاموں اور ضروریات کو اولین ترجیح دی جانی چاہئے۔

انہوں نے ایک چینی مقولے کا حوالہ دیا کہ” درخت لگانے میں دس سال لگتے ہیں لیکن انسان کی پرورش میں ایک سو سال لگتے ہیں“۔ انہوں نے کہا کہ ہم سی پیک کے تحت ہسپتالوں اور سکولوں کی تعمیر کے ذریعے اپنی پاکستانی بھائیوں اور بہنوں کی زندگی کی کوالٹی کو بہتر بنانے میں اپنا عاجزانہ کردار ادا کرنا چاہتی ہیں ۔تقریب کا اختتام لکی ڈرا اور ہنگری بینڈ کے نغمے گانے پر ہوا ، سفیر وں کی طرف سے بھی موسیقی کے پروگرام پیش کئے گئے ۔
29/08/2016 - 14:40:36 :وقت اشاعت