بند کریں
صحت صحت کی خبریںایڈزکے مریض زیادہ دن تک جیئیں گے، تحقیق

صحت خبریں

وقت اشاعت: 26/07/2008 - 20:06:21 وقت اشاعت: 26/07/2008 - 16:28:13 وقت اشاعت: 25/07/2008 - 21:54:44 وقت اشاعت: 25/07/2008 - 20:25:44 وقت اشاعت: 25/07/2008 - 16:13:11 وقت اشاعت: 25/07/2008 - 14:21:53 وقت اشاعت: 25/07/2008 - 12:05:25 وقت اشاعت: 24/07/2008 - 17:06:39 وقت اشاعت: 24/07/2008 - 14:58:35 وقت اشاعت: 22/07/2008 - 21:47:43 وقت اشاعت: 20/07/2008 - 14:36:56

ایڈزکے مریض زیادہ دن تک جیئیں گے، تحقیق

نیو یارک (اردوپوائنٹ اخبا ر تازہ ترین25 جولائی2008 )ایک تحقیق کے مطابق ایڈز کے بہتر علاج کی وجہ سے اس مرض کے شکار افراد کی عمر میں اوسطا13 برس کا اضافہ ہوا ہے۔تحقیق کے مطابق ایڈز کا وہ20 سالہ مریض جن کے بارے میں نوے کے عشرے میں یہ خیال تھا کہ وہ36 برس اور جی سکتا ہے،اب صحیح علاج کی وجہ سے مزید 49 برس زندہ رہ سکتا ہے۔ محققین نے کہا ہے کہ اس بات سے یہ ظاہر ہوتا ہے کہ صحیح طریقے سے علاج کی وجہ سے ایڈز اب ایک مہلک بیماری نہیں رہی بلکہ اس کا شمار کرانک کنڈیشن میں ہونے لگا ہے۔

کرانک کنڈیشن ذیابیطس کی مانند ایسی بیماری ہوتی ہے جو ایک طویل عرصے تک کسی فرد کو لاحق رہے۔ تحقیقاتی ٹیم نے جس میں برسٹل یونیورسٹی کا عملہ بھی شامل تھا اس تحقیق کے دوران 43 ہزار مریضوں کی حالت کا جائزہ لیا۔ جس کے بعد تحقیق سے یہ بات سامنے آئی کہ ایک ایسا شخص جس کے جسم میں 20 برس کی عمر میں ایڈز کی تشخیص ہوئی ہو وہ مزید انچاس برس زندہ رہ سکتا ہے۔

تاہم شمالی امریکہ اور یورپ کے سائنسدانوں پر مشتمل گروپ اینٹی ریٹرو وائرل تھیراپی کوہورٹ کولابریشن نے متنبہ کیا ہے کہ یہ عمر اب بھی دنیا کی زیادہ تر آبادی کی اوسط عمر سے کم ہے جو کہ اب قریباً 80 برس کے قریب ہے۔ اینٹی ریٹرو وائرل تھیراپی ایچ آئی وی کا وہ طریقہ علاج ہے جس میں شامل ادویات اس وائرس کی بیمار جسم میں بڑھوتری کے عمل کو سست کر دیتی ہیں۔ یہ طریقہ علاج نوے کے عشرے میں سامنے آیا تھا اور اس وقت سے آج تک اس کی افادیت میں اضافہ ہوا ہے۔
25/07/2008 - 14:21:53 :وقت اشاعت