بند کریں
صحت صحت کی خبریںوفاقی و آزاد حکومت میرپور ڈویژن میں تعلیم اور صحت سمیت تمام بنیادی سہولیات پہنچائے ، ڈاکٹر ..

صحت خبریں

وقت اشاعت: 15/02/2009 - 14:19:22 وقت اشاعت: 09/02/2009 - 14:21:50 وقت اشاعت: 06/02/2009 - 18:34:20 وقت اشاعت: 04/02/2009 - 13:45:57 وقت اشاعت: 31/01/2009 - 13:39:40 وقت اشاعت: 27/01/2009 - 14:29:53 وقت اشاعت: 26/01/2009 - 12:37:53 وقت اشاعت: 25/01/2009 - 17:19:15 وقت اشاعت: 25/01/2009 - 14:45:37 وقت اشاعت: 25/01/2009 - 12:39:30 وقت اشاعت: 24/01/2009 - 18:54:12

وفاقی و آزاد حکومت میرپور ڈویژن میں تعلیم اور صحت سمیت تمام بنیادی سہولیات پہنچائے ، ڈاکٹر ریاست علی چوہدری

میرپور(اردوپوائنٹ اخبا ر تازہ ترین27جنوری2009 )میرپور ڈویژن میں صحت ، تعلیم،واٹر سپلائی، بجلی ، سیوریج اور نظام مواصلات کی ترقی انتہائی ضروری ہے۔آزاد حکومت وفاقی حکومت اور واپڈا سے مذاکرات کر کے میرپور تا منگلا و دینہ سڑک کو دو رویہ کروائے جب تک یہ سڑک عالمی معیار کے مطابق نہیں بنائی جائے گی تب تک تارکینِ وطن سرمایہ کار اور مقامی انڈسٹریلسٹ میرپور میں صنعتیں لگانے کی طرف مائل نہیں ہوں گے۔

ہر نئی حکومت کے ساتھ میرپور کی سڑکوں کی تعمیر کے جھوٹے ٹینڈرز منظور کر کے جیبیں بھرنے کے سلسلے بند کئے جائیں۔میرپور کی ترقی کے جھوٹے دعوے کرنے والے کس منہ سے اگلے الیکشن میں عوامی عدالت میں آئیں گے۔ ان خیالات کا اظہار ڈاکٹر سی ایم حنیف چیئرمین سٹی فورم، ڈاکٹر ریاست علی چوہدری صدر پی ایم اے اور جنید انصاری نے اپنے مشترکہ بیان میں کیا۔

ڈاکٹر سی ایم حنیف نے کہا کہ چند سال قبل بڑے زور و شور سے علامہ اقبال  روڈ کے ساتھ موجود تجاوزات کو گرا کر سڑک وسیع کرنے کے دعوے کئے گئے تھے اور عوام گواہ ہیں کہ چند ارب پتی مافیاز کے مفادات کے تحفظ کے لیے تمام حکومتی مشینری نے یہ آپریشن روک دیا اور تجاوزات ہٹانے کا ملبہ صرف اور صرف کھوکھا مالکان اور غریب اور چھوٹے دوکانداروں تک محدود رہا۔

انجمنِ تاجران اس سلسلہ میں یکجہتی کا مظاہرہ کرے اور شہری حقوق کے تحفظ کے لیے آوازِ حق بلند کرے۔انہوں نے کہا کہ سٹی فورم عرصہ دراز سے یہ کوشش کر رہا ہے کہ شہر کے غیر متنازعہ مشترکہ حقوق کے لیے سیاسی مفادات سے بالاتر ہو کر مشترکہ جدوجہد کی جائے اور اس سلسلہ میں”بے نظیر بھٹو شہید میرپور میڈیکل کالج“کے قیام کی کامیاب تحریک یہ ثابت کرتی ہے کہ اہلیانِ شہرمتحد ہو جائیں تواپنے حقوق حاصل کیئے جاسکتے ہیں۔
27/01/2009 - 14:29:53 :وقت اشاعت