پنجاب بھر کی طرح بہاولنگر فوڈ ڈیپارٹمنٹ کو بھی جاری کر دی گئی

بہاولنگر(اُردو پوائنٹ اخبارتازہ ترین - این این آئی۔ 17 مارچ2023ء) حکومت پنجاب فوڈ ڈیپارٹمنٹ کی گندم خریداری پالیسی پنجاب بھر کی طرح بہاولنگر فوڈ ڈیپارٹمنٹ کو بھی جاری کر دی گئی اس پالیسی کو پنجاب بھر میں جاری کرنے کا مقصد کسانوں کو آگاہی فراہم کرنا ہے اور ہر ضلع میں گندم کی خریداری کو یقینی بنانے کیلئے کمیٹیاں بھی تشکیل دے دی گئی ہیں تاکہ گندم کا ہدف پورا کیا جا سکے حکومت پنجاب فوڈ ڈیپارٹمنٹ نے تمام اضلاع کو لیٹر جاری کیا ہے جس میں تمام ڈویڑنل کمشنرز،ڈپٹی کمشنرز، ڈپٹی ڈائریکٹرز فوڈ، ڈسٹرکٹ فوڈ کنٹرولرز،گندم کی خریداری کی پالیسی 2023-24۔

کے مطابق پروکیورمنٹ پالیسی کو مندرجہ ذیل طور پر مطلع کیا ہے کہ ہدف حاصل کرنے کیلئے 3.5 ایم ایم ٹی ڈائریکٹر فوڈ اپنے اپنے دائرہ اختیار میں خریداری کی رفتار کو مدنظر رکھتے ہوئے متعلقہ ڈپٹی ڈائریکٹرز فوڈ اور ڈپٹی کمشنرز کی مشاورت سے ڈویڑن وار/ضلع وار اہداف پر نظر ثانی کرنے کے مجاز ہیں۔

(جاری ہے)

مرکز کے حساب سے اہداف متعلقہ ڈپٹی ڈائریکٹر فوڈ کے ذریعے طے کیے جائیں گے۔

کم سے کم سپورٹ قیمت (MSP)کا آغازمہم،خریداری مہم کی نگرانی کریں گے 40 کلوگرام گندم کی قیمت 3900روپے مقرر کی گئی ہے پی آئی ٹی بی ایک ڈیش بورڈ قائم کرے گا جس میں باردانہ کا اجرائ دکھایا جائے گا اور نگرانی اور شکایت کے ازالے کے لیے روبو کالز بھی تیار کرے گا۔مہم ہدف کی تکمیل تک جاری رہے گی یا حکومت کی ہدایت کے مطابق اتوار سمیت کسی وقفی/ تعطیل کے بغیر جاری رہے گی۔

باردانہ کاشتکاروں /بیچنے والوں کو بغیر کسی پابندی کے سنٹر انچارج کے ذریعہ 700 تھیلوں تک اور ڈسٹرکٹ فوڈ کنٹرولر کی طرف سے 1000 تھیلوں تک کی مانگ کے مطابق جاری کیا جائے گا۔ تاہم باردانہ کے اجرائ میں کاشتکاروں کو ترجیح دی جائے گی۔گندم سے بھرے جوٹ بیگ / پی پی بیگ کا اوسط معیاری وزن بالترتیب 101.100 کلوگرام اور 50.115 کلوگرام ہوگا۔ محکمہ خریداری کے تحت گندم کی نمی میں فرق کے پیش نظر اوسط معیاری وزن میں ایڈجسٹمنٹ کر سکتا ہے۔

تاہم، اگر وزنی برج پر وزن کیا جائے تو وزن میں تغیر قابل قبول ہوگا۔ڈیلیوری چارجز 60روپے فی 100 کلو گرام گندم کی خریداری کی قیمت کے علاوہ 3900روپے فی 40 کلو گرام کے حساب سے ادا کیے جائیں گے جو خریداری کے بل کے ذریعے گندم فراہم کرنے والی/ کاشتکاروں کو ادا کیے جائیں گے۔مناسب اوسط معیار (FAQ) گندم زیادہ سے زیادہ 11% نمی کے ساتھ خریدی جائے گی۔

خریداری صبح 9:00 بجے سے شام 5:00 بجے تک اتوار سمیت ساتوں دنوں کی جائے گی۔اس مقصد کے لیے تقریباً 393 گندم خریداری مراکز قائم کیے جائیں گے۔ حتمی تعداد مقامی صورتحال کی بنیاد پر مختلف ہو سکتی ہے۔جبکہ کسانوں کا کہنا ہے کہ ہر سال بہاولنگر میں گندم خریداری کے دوران خریداری سنٹروں پر کسانوں کا استحصال کیا جاتا ہے گندم سنٹر انچارج کی جانب سے گندم کا وزن کرنے میں ہیرا پھیری کی شکایت عام موصول ہوتی ہیں گندم خریداری سنٹروں پر سنٹر انچارج گندم کا غلط وزن کر کے کسانوں کی حق تلفی کرتے ہوئے کروڑوں کی کرپشن کرتے ہیں جس سے غریب کسان کی سارا سال کی محنت کو گندم خریداری سنٹر عملہ دونوں ہاتوں سے لوٹ لیتا ہے اور کسان کو علم ہی نہیں ہوتا جبکہ ذرائع کے مطابق گندم خریداری سنٹروں پر انچارج تعینات ہونے کیلئے محکمہ فوڈ میں بولیاں لگائی جاتی ہیں جو افسران کو سب سے ذیادہ مبینہ رشوت دینے میں کامیاب ہو گا وہ ہی گندم خریداری سنٹر پر انچارج کی سیٹ سنبھال کر کسانوں کو دونوں ہاتھوں سے لوٹنے میں مصروف ہو جائے گا کسانوں نے اعلی احکام سے مطالبہ کیا ہے کہ گندم خریداری سنٹروں پر ہونے والی مبینہ کروڑوں کی اس کرپشن کو روکنے کیلئے کوئی احسن اقدام کرے جس سے کسان کا نقصان بھی نہ ہو اورکروڑوں کی کرپشن بھی رک سکے۔