اُردو پوائنٹ پاکستان اسلام آباداسلام آباد کی خبریںسپیکر قومی اسمبلی کے کارڈ نہ ہونے پر عمران خان کو ووٹ ڈالنے کی اجازت ..

سپیکر قومی اسمبلی کے کارڈ نہ ہونے پر عمران خان کو ووٹ ڈالنے کی اجازت دینے پر پیپلز پارٹی کے رکن عبدالقادر پٹیل کا اعتراض،

میرے لئے تمام ممبران برابر ہیں، سردار ایاز صادق

اسلام آباد ۔ (اُردو پوائنٹ اخبارتازہ ترین۔ 15 اگست2018ء) سپیکر قومی اسمبلی سردار ایاز صادق نے کارڈ نہ ہونے پر عمران خان کو ووٹ ڈالنے کی اجازت دے دی جس پر پیپلز پارٹی کے رکن عبدالقادر پٹیل نے اعتراض اٹھا دیا۔ سپیکر نے کہا کہ ان کے لئے عمران خان سمیت تمام ارکان یکساں حیثیت رکھتے ہیں۔

(خبر جاری ہے)

بدھ کو قومی اسمبلی میں سپیکر کے الیکشن کے دوران ایوان میں پیپلز پارٹی کے رکن عبدالقادر پٹیل نے کہا کہ ان کے پاس کارڈ نہیں تھا، مجھے کہا گیا کہ میں نیا کارڈ بنوا لوں جبکہ عمران خان کو کارڈ نہ ہونے پر اسپیکر نے اجازت دے دی جس پر سپیکر نے کہا کہ آپ بھی مجھ سے اجازت لیتے تو میں آپ کو بھی پہچانتا ہوں، میں آپ کو اجازت دے دیتا۔

اس پر عبدالقادر پٹیل نے کہا کہ میں نے آپ سے عملے کے ذریعے اجازت مانگی تھی۔ اسپیکر نے کہا کہ میرے لئے تمام ممبران برابر ہیں، عمران خان نے مجھ سے اجازت مانگی اور میں نے اجازت دی۔

اپنی رائے کا اظہار کریں -

اسلام آباد شہر کی مزید خبریں