اُردو پوائنٹ پاکستان اسلام آباداسلام آباد کی خبریںاسلام آباد پولیس کا دہشتگردی سے نمٹنے کیلئے عوام کی مدد لینے کا فیصلہ، تھانے ..

اسلام آباد پولیس کا دہشتگردی سے نمٹنے کیلئے عوام کی مدد لینے کا فیصلہ،

تھانے کی سطح پر مقامی نوجوانوں کی کمیٹیاں تشکیل دی جائینگی، پولیس کے خصوصی کارڈ جاری کئے جائینگے

اسلام آباد (اُردو پوائنٹ اخبارتاز ترین۔ 28دسمبر 2014ء) اسلام آباد پولیس نے دہشتگردی سے نمٹنے کیلئے عوام کی مدد لینے کا فیصلہ کرلیا ہے اس سلسلے میں تھانے کی سطح پر مقامی نوجوانوں کی کمیٹیاں بنائی جائینگی جنہیں پولیس کے خصوصی کارڈ جاری کئے جائینگے۔

(خبر جاری ہے)

تفصیلات کے مطابق اسلام آباد پولیس نے دہشت گردی پر قابو پانے کیلئے عوام کی مدد لینے کا فیصلہ کیا ہے جس کیلئے تھانے کی سطح پر مقامی نوجوانوں کی کمیٹیاں بنائی جائینگی ، آئی جی اسلام آباد طاہر عالم کے مطابق ان کمیٹی ممبران کو پولیس کے خصوصی کارڈ جاری کئے جائینگے، انہوں نے کہا کہ شہری اپنی کارکردگی کے ماحول پر نظررکھیں،مشکوک افراد،اسلحہ اورگاڑیوں سے متعلق اطلاع قریبی تھانے یا15 پر دیں۔

انہوں نے کہا کہ تھانے کی سطح پر بنائی جانیوالی کمیٹیوں میں شمولیت کے خواہشمند نوجوان مقامی پولیس سٹیشن میں اپنے کوائف جمع کرائیں، انہوں نے کہا کہ خواتین بھی اس فورس میں شامل ہوسکتی ہیں وہ اس حوالے سے ویمن پولیس سٹیشن میں اپنا نام درج کرائیں۔


اپنی رائے کا اظہار کریں -

اسلام آباد شہر کی مزید خبریں