صدر تحریک انصاف آزاد جموں کشمیر و سابق وزیر اعظم سردار عبد القیوم نیازی کا ریاست گیر

اسلام آباد(اُردو پوائنٹ اخبارتازہ ترین - آن لائن۔ 01 مئی2024ء) صدر تحریک انصاف آزاد جموں کشمیر و سابق وزیر اعظم سردار عبد القیوم نیازی سے اسلام آباد ہائیکورٹ جرنلسٹ ایسوسی ایشن کے وفد نے ملاقات کی ۔صدر تحریک انصاف آزاد جموں کشمیر و سابق وزیر اعظم سردار عبد القیوم نیازی نے ریاست گیر "سفیر کشمیر عمران خان کو رہا کرو " مہم شروع کرنے کا فیصلہ کرلیا ۔

ان کا کہنا تھا کہ بھمبھر تا تاو بٹ تک سفیر کشمیر عمران خان کو رہا کرنے کیلئے پر امن احتجاجی ریلیاں ، کنونشنز اور مظاہرے کیے جائیں گے ،بانی چئیرمین عمران خان کی منظوری کے بعد ریاست گیر مہم کا باقاعدہ آغاز کریں گے ، عمران خان کشمیریوں کے سفیر ہیں ، انہوں نے ہمیشہ تمام عالمی فورمز پر کشمیریوں کیلئے بھرپور آواز بلند کی ، کشمیری اپنے محسن ، اپنے سفیر ، امت مسلمہ کے عظیم لیڈر کی رہائی کیلئے بھرپور آواز بلند کرتے رہیں گے ، عمران خان کے خلاف سیاسی انتقام پر کشمیریوں کو سخت کو تشویش ہے ،عمران خان کے خلاف کیسز کو لٹکایا جا رہا ہے ، مستحکم پاکستان ہی کشمیریوں کا مقدمہ جاندار انداز میں لڑ سکتا ہے ، ملک میں معاشی استحکام کیلئے سیاسی استحکام ناگزیر ہے ، عمران خان سمیت تمام قائدین کے خلاف جعلی کیسز ختم کیے جائیں اور انہیں رہا کیا جائے ۔

(جاری ہے)

پی ٹی آئی آزاد کشمیر عمران خان کی رہائی تک چین سے نہیں بیٹھے گی۔پی ٹی آئی آزاد کشمیر میں گراس روٹ لیول تک منظم کر دی۔