ایسوسی ایشن آف بلڈرز اینڈ ڈیولپرز(آباد)کے چیئرمین فیاض الیاس کے والد حاجی محمد الیاس انتقال کرگئے

جمعرات 28 جنوری 2021 17:01

کراچی(اُردو پوائنٹ اخبارتازہ ترین - این این آئی۔ 28 جنوری2021ء) ایسوسی ایشن آف بلڈرز اینڈ ڈیولپرز(آباد)کے چیئرمین فیاض الیاس کے والد حاجی محمد الیاس انتقال کرگئے۔وہ مقامی اسپتال میں زیر علاج تھے،مختصر علالت کے بعدجمعرات کو وفات پاگئے۔

(جاری ہے)

آباد الائیڈ پینل کے سرپرست اعلیٰ محسن شیخانی،آباد کے سینئر وائس چیئرمین خواجہ محمد ایوب،وائس چیئرمین عارف شیخانی،آباد سدرن ریجن کے چیئرمین دانش بن رئوف، آباد ناردرن ریجن کے چیئرمین شیراز منو،حیدرآباد سب ریجن کے وائس چیئرمین کاشف شیخ،سابق چیئرمینز عارف یوسف جیوا،محمد حنیف گوہر،محمد حسن بخشی ،انوگاگائی ،جنید اشرف تالو،دیگر آباد ممبران سمیت سیاسی وسماجی شخصیات نے فیاض الیاس سے تعزیت کا اظہار کرتے ہوئے مرحوم کی مغفرت اور لواحقین کے لیے صبر وجمیل کی دعائیں مانگیں۔

سوئم اور مرحوم کو ایصال ثواب پہنچانے کے لیے قرآن خوانی رہائشگاہ مکان نمبر 117 ،لین 6 ،مین خیابان محافظ ڈی ایچ اے فیز 7 کراچی میں ہوگی۔