میرے گھر میں جنات ہیں مگر اب ہم ان سب کے عادی ہوچکے ہیں، ماہ نور حیدر

پیر 29 اپریل 2024 23:31

کراچی (اُردو پوائنٹ اخبارتازہ ترین - این این آئی۔ 29 اپریل2024ء) اداکارہ ماہ نور حیدر نے انکشاف کیا ہے کہ میرے گھر گزشتہ کافی عرصے سے جنات رہتے ہیں۔نجی ٹی وی شومیں گفتگوکرتے ہوئے اداکارہ ماہ نور حیدرنے بتایا کہ میرے گھر میں جنات ہیں ،مجھے اکثر کچن سے میرے نام کی آوازیں سنائی دیتی ہیں لیکن جب میں پیچھے مڑ کر دیکھتی ہوں تو وہاں کوئی نہیں ہوتا۔

انہوں نے کہا کہ مجھ سے پہلے میری والدہ کو بھی اسی طرح کی آوازیں سنائی دیتی تھیں۔

(جاری ہے)

اداکارہ نے بتایا کہ کئی سال پہلے ایک بار ایسا ہوا تھا کہ میرے والد صاحب صبح فجر کی نماز پڑھتے ہی چہل قدمی کیلئے باہر چلے گئے تھے اور جب میری والدہ فجر کی نماز کیلئے اٹھیں تو میری والدہ نے والد کو کمرے میں دیکھا۔ماہِ نور نے بتایا کہ پھر جب میرے والد صاحب گھر واپس آئے تو والدہ نے ان سے پوچھا کہ آپ تو گھر میں تھے لیکن اب اچانک باہر سے کیسے آرہے ہیں جس پر میرے والد نے کہا کہ میں تو آپ کے اٹھنے سے پہلے ہی چہل قدمی کیلئے چلا گیا تھا۔اداکارہ نے کہا کہ اس وقت سے ہمیں اپنے گھر میں عجیب و غریب سرگرمیاں محسوس ہوتی ہیں لیکن اب ہمیں ان سب چیزوں کی عادت ہوچکی ہے۔