وسیم اکرم اور شنیرا کی طویل عرصے کے بعد سیلفی وائرل

جمعہ 17 ستمبر 2021 23:18

سڈنی (اُردو پوائنٹ اخبارتازہ ترین - آن لائن۔ 17 ستمبر2021ء) قومی کرکٹ ٹیم کے سابق لیجنڈری کرکٹر وسیم اکرم کی اپنی اہلیہ شنیرا کے ساتھ طویل عرصے بعد سیلفی سوشل میڈیا پر وائرل ہوگئی۔10 ماہ کی طویل عرصے کی دوری برداشت کرنے کے بعد بالآخر وسیم اکرم اپنی اہلیہ شنیرا اور بیٹی عائلہ کے پاس آسٹریلیا چلے گئے ہیں۔اس ضمن میں شنیرا نے فوٹو اینڈ ویڈیو شیئرنگ ایپ انسٹاگرام کا رخ کیا اور مداحوں کے ساتھ اپنی خوشی شیئر کی۔

(جاری ہے)

شنیرا نے اپنے تصدیق شدہ انسٹاگرام اکانٹ پر اپنے شوہر وسیم اکرم کے ہمراہ اپنی نئی سیلفی شیئر کی جس میں یہ جوڑی بیحد خوش نظر آرہی ہے۔انسٹاگرام پر سیلفی شیئر کرتے ہوئے شنیرا نے کیپشن میں خوش لکھا یعنی وہ طویل عرصے بعد اپنی مکمل فیملی کو دیکھ کر بہت خوش ہیں۔شنیرا اور وسیم اکرم کی اس سیلفی کو سوشل میڈیا صارفین کی جانب سے بہت پسند کیا جارہا ہے۔واضح رہے کہ سابق قومی کرکٹر وسیم اکرم اہلیہ شنیرا اکرم اور بیٹی عائلہ سے طویل مدت بعد ملنے کے لیے گزشتہ دنوں ہی میلبورن پہنچے تھے۔گزشتہ برس سے شنیرا بیٹی کے ہمراہ کورونا وبا کے باعث سفری پابندیوں کے باعث آسٹریلیا میں ہی پھنسی ہوئی تھیں۔