عمران خان نے ابتک عوام کی چیخیں نکلوانے کا صر ف وعدہ وفا کیا‘سلیم ر ضا

تقریروں اور اپوزیشن کی کردار کشی کے سوا عمران خان کے پاس کچھ نہیں ہے‘ ممبرپی ڈی ایم رابطہ کمیٹی

جمعرات 21 اکتوبر 2021 12:20

لاہور(اُردو پوائنٹ اخبارتازہ ترین - این این آئی۔ 21 اکتوبر2021ء) مسلم لیگ (ن) اسیر رہا ئی کمیٹی برائے اظہار یکجہتی قا ئد کے سیکر ٹری اطلاعا ت، ممبرپی ڈی ایم رابطہ کمیٹی لاہور محمد سلیم ر ضا نے کہا ہے کہ عمران خان نے ابتک عوام کی چیخیں نکلوانے کا صر ف وعدہ وفا کیا،موجودہ نا اہل تر ین حکومت نے غریب عوام کے گھر کے چولہے بجھانے میں کوئی کسرنہیںچھوڑی ہے، تقریروں اور اپوزیشن کی کردار کشی کے سوا عمران خان کے پاس کچھ نہیں ہے ۔

اپنے بیان میں انہو ں نے کہاکہ کل تک ملک کو ریاست مدینہ بنانے کے دعوے کرنیوالے آج اس نعرے سے بھی پیچھے ہٹ چکے ہیں یہ پہلا یوٹرن نہیں نااہل ٹولہ اپنے کئی ایک وعدوں سے مکر چکا ہے، انہوں نے کہا کہ سوشل میڈیا تک محدود یہ حکومت انتقامی کاروائیوں اور فقط جھوٹ بولنے کی ماہر ہے، آئندہ انتخابات میں پی ٹی آئی کہیں نظر نہیں آئے گی ۔

(جاری ہے)

انہو ں نے کہاکہ نواز لیگ نے اپنے دور اقتدار میں نامسائد حالات کے باوجود عوام کو ہر سطح پر بھرپور ریلیف دیااور قومی سلامتی و ترقی کی راہیں ہموار کی ، ایک سوچی سمجھی سازش کے تحت دانستہ طور پر شریف خاندان کو مسلسل انتقام کی بھینٹ چڑھایا جارہاہے جو کہ ملک وقوم کیلئے انتہائی تشویشناک امر ہے تبدیلی کے نام پر بننے والی حکومت نے تین سالوں میں عوام کو مایوسی کے سوا کچھ نہیں دیا۔