الحمراء میںرقص کے عالمی دن کی مناسبت سے ثقافتی،روایتی وکلاسیکی رقص کی رنگا رنگ شام کا انعقاد

منگل 30 اپریل 2024 14:25

لاہور (اُردو پوائنٹ اخبارتازہ ترین - این این آئی۔ 30 اپریل2024ء) لاہور آرٹس کونسل الحمراء میںرقص کے عالمی دن کی مناسبت سے ثقافتی رقص کی رنگا رنگ شام کا انعقادکیا گیا۔تقریب الحمراء اور شاکر علی میوزیم کی مشترکہ پیش کش تھی۔صوفیانہ،کلاسیکی و فوک رقص پر آرٹسٹوں نے دلپذیر پرفارمنس کا مظاہرہ کیا۔

(جاری ہے)

سربراہ الحمراء طارق علی بسرا نے پروگرام میں اظہار خیال کرتے ہوئے کہا کہ الحمراء آرٹ پرفارم کرنے والوں اور آرٹ دیکھنے والے کے درمیان پُل کا کردار ادا کر رہا ہے، عوام اپنی تہذیب و ثقافت کو دیکھنا پسند کرتی ہے،جھومر، گدّا، لڈی، بھنگڑا، کتھک ہماری روایات کا عکس ہے۔

انھوں نے کہا کہ فن کا یہ اظہار ،ْ معاشرتی اقدار سے محبت کا بیان ہوتا ہے۔انٹرنیشنل ڈانس ڈے کے موقع پر افریقی جنگل ڈانس پر شائقین نے خصوصی دلچسپی کا اظہار کیا۔آرٹسٹوں نے اس میدان کے لیجنڈ کو خراج تحسین پیش کیا۔ایگزیکٹیو ڈائریکٹر الحمراطارق علی بسرا اور نامور آرٹسٹ راشد محمود نے پروگرام میں پرفارم کرنے والے آرٹسٹوں میں اسناد تقسیم کیں۔