کورونا کیس سامنے آنے پر ہائی پرفارمنس سینٹر میں ایک ماہ کا کیمپ 7 روز بعد ہی ختم

منگل 9 مارچ 2021 14:19

لاہور(اُردو پوائنٹ اخبارتازہ ترین - این این آئی۔ 09 مارچ2021ء) ہائی پرفارمنس سینٹر میں شیڈول ایک ماہ کا قومی کرکٹرز کا کیمپ سات روز بعد ہی ختم کردیا گیا ہے۔لاہور کے نیشنل ہائی پرفارمنس سینٹر کے کوچز کیمپ میں شامل 24 کرکٹرز کے ساتھ کام کرکے ان کی خامیوں کو دور کرنے میں مصروف تھے تاہم پی سی بی ہیڈکوارٹر میں ایک کورونا رپورٹ پازیٹو آنے کے بعد احتیاطی طورپر اس کیمپ کو بھی فوری طورپر ختم کرنیکا فیصلہ کیا گیا ہے۔

(جاری ہے)

تمام کھلاڑیوں کو اس حوالے سے باضابطہ طورپر اطلاع دے دی گئی ہے۔بورڈ ذرائع کے مطابق اب دورہ جنوبی افریقا کے لیے پاکسانی ٹیم کا کیمپ اگلے ہفتے سے نیشنل ہائی پرفارمنس سینٹر میں لگانے کی پلاننگ کی گئی ہے۔واضح رہے کہ کیمپ میں اظہرعلی، عبداللہ شفیق، عابد علی، احمد بشیر، اسد شفیق، بسم اللہ خان، فواد عالم، حماد اعظم، حارث سہیل،حسن خان، عمران بٹ،عرفان اللہ شاہ،کامران غلام، خرم شہزاد،محمد عباس، نعمان علی، ریحان آفریدی، ساجد خان، سلمان ارشاد، سعود شکیل، تابش خان،تاج ولی، عمرخان اور یاسر شاہ کو مدعو کیا گیا تھا۔